7 februari 2010 durante karnaval di mucha, Polis huntu ku Marechaussee di Marina a tene kontròl di alkohòl  “fieldtest” riba shofùrnan di vehíkulonan  ku a partisipá na karnaval di mucha.

Sitio di kòntròl:

 1. Schottegatweg West na altura di ántes “Moreno”

 2. Pater Euwensweg entre di Aqualectra i ACU

 Orario di kòntròl:

1. For di 14.45 te ku 15.40’or

2. For di 17.00 te ku 17.30’or

Un total di 22 shofùr a wòrdu kontrolá na e sitio i orario ariba menshoná  (dieseis (16) durante di e promé kòntròl i seis (6) durante di e di dos kòntròl. Tur e shofùrnan a tèst “P” ku ta nifiká ku no a uza alkohòl òf no tabata bou di influensha di alkohòl. Durante di e kòntròl polis a konstatá ku un di e shofùrnan su reibeweis a kaduká. E shofùr aki a keda remplasá pa un otro shofùr. Polis di Tráfiko ta satisfecho ku e resultado i lo sigui kontrolá durante e diferente marchanan di karnaval ku ta sigui.

* kòntròl di e Departamentu di pèrmit di Kuerpo Polisial i G.G.D.:

E Departamentu di pèrmit di Kuerpo Polisial i G.G.D. a tene kòntròlnan dirigí riba e siguiente puntonan:

 o Kumplimentu di e kondishonnan establesé den “Vergunningslands-  verordening ” I “Eilandsverordening Bevordering Openbare Orde en Bescherming  Gemeenschap”;

o Benta di bibida na bòter;

o Benta di bibida alkohóliko na menornan di edat;

o Uzo di alkohòl dor di menornan di edat

Durante di e kòntròl polis a konstatá ku den un di e stèntnan riba Coloradoweg tabatin dos(2) pèrsona ku no tabata den posishon di un karchi di kùr. Personal di G.G.D. a saka tur dos for di e stènt en kestion. 

E Departamentu di Pèrmit tambe ta satisfecho ku e kòntròl di e stènt- i establesimentunan di horeca i e kòntròl riba kaya.

* Detenshon                                                                                                      

Un total di 3(tres) ku no tabata disponé di e pèrmitnan nesesario pa permanesé riba nos isla a keda detené durante di e marcha di mucha:

o Alrededor di 15.05 polis a detené tres hòmber ku no tabata disponé di e pèrmitnan nesesario pa permanesé riba nos isla a wòrdu hiba barak na Bon Futuro pendiente nan deportashon;

o Alrededor di 12.00 “Bike Team”a para un vehíkulo ku tabata wòrdu manehá pa un shofùr (maskulino) di 16 aña. A kita e outo for di dje i ku kran di Polis a hiba e outo aki Rio Canario. Polis lo atendé ku su  mayornan tambe.

o Alrededor di 17.00 Polis a detené un hòmber fuma na altura di Roodeweg/Ojedastraat. A hiba e sospechoso aki warda di Polis Punda pa laga su fuma bai.

o Personanan ku a bira malu / herida durante di marcha

Sinku (5) persona mester a risibí tratamentu di Krus Kòrá/CEMS pa motibu ku nan a bira malu òf a haña herida durante di e marcha di Mucha. 

o Vehíkulonan ku a bai kura:

A transportá  kuater(4) vehíkulo ku tabata mal para òf ku tabata opstakulisá tráfiko pa kura. E shofùrnan ta haña ku but.

Hopi asistensia pa motibu ku e krusadanan i kamindanan importante (anunsiá  adelantá pa outoridatnan) a keda blòkiá di un manera iresponsabel ku a pone e situashon di seguridat den peliger. Na numeroso okashon mester a bai kita outo  for di e krusadanan aki.

E komportashon di públiko pa loke ta trata tráfiko a laga di deseá.

o Otro kasonan:

o Alrededor di 17.15 a haña un (1) mucha muhé di tres (3) aña banda di e podio na Brionplein. Despues di un ratu a logra lokalisá su mayornan i a entregá e mucha bèk na su mayornan. 

o Alrededor di 18.02 a haña un mucha hòmber di 4 aña riba Brionplein i a hib’é Warda di Polis Otrobanda en espera di su mayornan.

Comments (0) >>