Relato:

For di un investigashon preliminar a resultá ku, durante di patruya den área di Brionplein, polis a konstatá ku menornan di edat tabata konsumí bibida alkohóliko i tambe a sinti holó di mariwana. Ora ku e hóben nan a nota presensia di polis nan a drenta un restorant chines den bisindario. Miembronan di e “Bike Team” a bai den e restorant pa atendé e hóbennan riba e echo ku nan ta konsumí bibida alkohóliko i alabes a kontrolá pèrmit di e establesimentu. Durante di e kontròl un hòmber di inisial J.M.de L. aparentemente no tabata di akuerdo ku e kontròl ku polis tabata tene den e establesimentu i a kuminsá insultá e outoridat polisial. E polis a hala su atenshon riba esaki, i mas persona a kuminsá lanta kontra di e polis. Na e momentu ei e sospechoso J.M.de L. a agredí e polis i esaki a kai pa despues dos hòmber mas a bin propiná e polis diferente skòp i moketa ora e tabata na suela. E polis en kuestion na su turno a los dos  
 

tiru ku a alkansá e sospechoso na su brasa robes i otro bou di su brasa robes. E hòmber J.M.de L. a ser hiba poli pa tratamentu médiko i a keda interná. Alrededor di 15.40’or polis a detené e hòmber sospechoso F.P.V. di 21 aña di edat den St.Martinsteeg pa maltrato di e agente polisial.

Reshèrshi i “Landsrecherche” ta keda enkargá ku e investigashon aki.