For di 2002 CEMS a bini ku proposishon pa tarifa nobo ku mester a inkluí e gastunan di konstrukshon di e edifisio nobo ku su kostonan tabata fl. 910.000. Tambe tabatin e disputa entre CEMS ku SVB, kaminda SVB  no kier a paga CEMS e tarifa ku Gobièrnu di Kòrsou a stipulá pa kareda di ambulans.

Tur hende por kòrda kuantu tempu esaki a tuma ku kasonan den korte i ku CEMS no a  gana e bataya aki. Basa riba e situashon aki CEMS mester a tuma un posishon i bini ku direkshon stringente pa wak kon ta adaptá su gastunan i subi su entradanan.

Kontra tur regla di bon maneho na febrüari 2006 CEMS ta sera un hipotek di 6.6. mion, inkluso interes, pa konstrukshon di e edifisio. Mester mira ku ta esaki ta e antesala  di e debakel finansiero ku Fundashon CEMS ta den awor aki.

Gobièrnu responsabel, na tur momento ku CEMS a bati na porta ku e problemanan finansiero, a buska solushon i  saka man yuda finansieramente, pero indikando kada bia  na CEMS, via kartanan di Bestuurscollege, ku Fundashon CEMS mester traha seriamente pa trese riba mesa solushonnan struktural pa e problema finansiero agudo aki.  CEMS a sigui dal bai i no a bini solushonnan mas struktural pa e problema finansiero aki.   

Pasonan ku Gobièrnu a entamá  pa por garantisá  servisio:

Por último, Sr. Humphrey Davelaar, komo Diputado enkargá ku Salubridat na Kòrsou, tabata manda señalnan bon kla pa CEMS ku e mester yega na solushon di su problema pasobra ta kumpra Gobièrnu ta kumpra produktonan di kalidat serka CEMS, segun e programa di eksigensia.