| Protehá nos muchanan i nos mes durante karnaval |
|
|
|
| Friday, 05 February 2010 - 12:38 | |
Servisio di Komunikashon i Informashon ta publiká
konsehonan di diputado di Enseñansa, Kultura i Deporte señora Marilyn
Alcalá-Wallé pa komunidat di Kòrsou selebrá karnaval 2010 na un forma
responsabel i tambe pa tene kuenta ku mester protehá espesialmente nos muchanan. Klik read more pa mas informashon...
Komunidat di Kòrsou ta den pleno selebrashon di su
fiesta kultural di mas grandi esta karnaval. Sinembargo, durante di e temporada
aki tin vários aspekto tambe ku komo siudadano i mayor responsabel ta bon pa
tene kuenta kuné.
Ta importante pa por ehèmpel pa no laga muchanan
keda lat lantá den siman den kualke aktividat di Karnaval siendo ku siguiente
dia nan mester bai presta na skol. E konsekuensianan por afektá nan nivel di
prestashon. Huntu ku esaki ta importante tambe pa mayornan kuida e muchanan su
oido protehando nan ku e dòpinan pa orea.
Pa nos adolesentenan ta bon pa nan no abusá di nan
kurpa pasobra despues di karnaval bida ta sigui. Asta nos adultonan tambe
mester tene kuenta ku ta masha dushi pa selebrá pero ku ta bon pa tene den mente
ku durante e temporada aki tambe tin ku sigui presta labor na benefisio di nos
mes i nos pais en general. |
