E patruya ku a yega na e sitio a nota 3 hòmber den e lugá, ku na momento ku nan a mira polis a trata na hui bai for di e sitio. Mesora polis a duna nan òrdu pa para, pero  nan a sigui den nan intento, dor di kual e polis a hañ’é obligá di los un tiru di atvertensia.

Dos di e sospechosonan a logra tòg di hui bai i polis a detené un sospechoso, S.R., nasé na Kòrsou, di 22 aña di edat.

Durante investigashon polis a konfiská un skèr pa kòrta heru di betòn, ku nan a haña den serkania di e lugá.

A presentá e sospechoso R. dilanti di un fiskal ouksiliar ku a ordená su enkarselamentu pa mas investigashon.