Materialnan ta inkluí T-shirt, lechi pòlvo, papa, kuminda di bleki i crackers, komo tambe remedi pa Krus Kòrá ku ta tratando esnan herida den e kampamentu. Digicel tambe a instalá un tanki di awa ku 400 galòn di awa pa bebe – kual lo wòrdu yena bek kada dos dia – i un mashin di charge pa esnan ku mester di koriente pa charge nan selularnan.

 Ora ku Digicel a wòrdu aserká dor di e lider di e kampamentu, inmediatamente a mobilisá un tim ku e materialnan nesesario pa brinda ayudo na esnan ku ta biba einan. Sinembargo, distribushon di e ayudo aki ta apénas un drùpel den un laman grandi – ya ku tin algun shen mil persona bibando den kampamentunan improvisá rònt Port-au-Prince i kendenan ta den nesesidat urgente di kuminda, awa i remedi. Dos siman despues di e temblor, ta importante pa e ayudo sigui yega i wòrdu distribuí na esnan den nesesidat. Digicel lo sigui hasi tur lo posibel pa asistí e hendenan di Haiti. 

Desde e temblor, Digicel a manda 90,000 liber di provishon i 21,000 liber di tur sorto di remedi i antibiótika pa yuda esnan ku nan bida a wòrdu destruí dor di e temblor. komo e invershonista individual di mas grandi na Haiti ku un invershon total di mas ku 300 mion Dòler desde su lansamentu na 2006, Digicel tin mas ku dos mion di kliente na Haiti. Digicel Haiti Relief Fund a hasi donashon di US$5 mion na NGO-nan na Haiti pa yuda den e trabounan humanitario i mas ku US$500,000 a wòrdu rekoudá dor di Digicel serka su klientenan rònt Caribe i Sentro Amérika via di e linea di mensahe di vòs i teksto pa donashon. Digicel tambe a regalá su dos mion klientenan na Haiti US$5 den krédito – pa un total di US$10 mion.