| Konseho Supremo Elektoral a duna resultado definitivo |
|
|
|
| Thursday, 28 January 2010 - 10:20 | ||||
Servisio di Komunikashon i Informashon ta
notifiká ku riba dia 27 di yanüari, Konseho Supremo Elektoral a duna e
resultado definitivo di e kontamentu di voto pa miembronan di Parlamento di
Antia 2010. Klik read more pa mas informashon...
Esaki a sosodé segun lei vigente ku ta dikta ku e resultado
definitivo di un elekshon mester sosodé eksaktamente 5 dia despues di e
elekshon. E mes un lei ta bisa ku mester duna e resultado durante di un reunion
públiko. Niun hende presente durante di e reunion a reakshoná kontra di
resultado duná.
E resultado final no ta diferensiá hopi for di
esnan preliminar ku e kurpa ku a organisá e elekshon a duna kaba durante di e
último dianan. E kantidat di asiento pa kada partido ta keda manera ya kaba a
premirá despues di e promé konteo:
Partido PAR 6 asiento (5 i un restzetel)
Lista pa Kambio 5 asiento (4 i un restzetel)
Pueblo Soberano 2 asiento
Partido Nashonal 1 asiento
E resultado di konta komprobante ku man ta duna un
diferensia di 0,1533 % kompará ku e resultado di mashinnan di Smartmatic. Riba
e total di voto esaki ta nifiká un diferensia total di 115 voto. E porsentahe
di diferensia entre konteo ku man i di Smartmatic ta mas abou ku den Referèndem
2009 i Elekshon 2007.
Ta tin un total di 510 voto blanko válido. E
totalidat di voto tabata 74.882 inkluso votonan no válido, loke ta
nifiká un porsentahe di hende ku a bai vota riba 65,41 %.
E siguiente skema ta duna mas detaye tokante di e
votashon:
Hoofdstembureau Smartmatic
Geldige stemmen op kandidaat 74.203 74.403
Onbruikbaar gemaakte stemmen op kandidaat 85
Geldige blanco stemmen 510
594
Onbruikbaar gemaakte blanco stemmen 84
TOTAAL 74.882 74.997
Verschil aantal Smartmatic v/s Hoofdstembureau
115
Verschil percentage Smartmatic v/s Hoofdstembureau 0, 1533 %
Afsluiting kiezersregister
114.215
Per post verzonden stembiljetten
109.200
Door free-lancer bezorgd 1.130
Onbezorgd terug ontvangen
2.930
Opgehaald bij Hoofdstembureau
4.746
Totaal verzonden en opgehaald
112.146
Opkomst aantal (totaal gestemd)
74.713
Opkomstpercentage
65,41 %
Mester bolbe bisa ku ta e
totalidat di komprobante ta saka e resultado definitivo den elekshon, pues loke
a konta na man i no loke e datonan elektróniko ta bisa. Pero e diferensia di
115 voto lo no kambia niun resultado pa niun partido ni kandidato. Ku e resultado definitivo akí Konseho Supremo Elektoral ta sera Elekshon 2010 di Staten, ku tabata e último elekshon den nos historia pa loke ta trata elekshon pa Antia komo pais.
|
||||
