Ora polis a yega na e sitio a konstatá ku tabatin un outo di bòltu den e roi kantu di kaminda i ku e shofùr di e outo tabata ku un parti di su kurpa bou di e outo. E shofùr Humphrey Anderson Agapito de Windt, nasé na Kòrsou 18 ougùstùs 1958 no tabata duna señal di bida. Alrededor di 01.22 ‘or dòkter di polis a konstatá morto di e víktima aki. 

Relato di e aksidente:

For di un investigashon preliminar ku polis a hasi na e sitio di aksidente, testigunan ku tambe tabata den vehíkulo ku a aksidentá a deklará ku un outo a krusa nan dilanti i ku e shofùr H. De W. A pèrdè kòntròl riba e vehíkulo ku e tabata manehá ku konsekuensia ku e la resultá den e roi kantu di kaminda ku e resultado ya menshoná.

Departamentu di tráfiko ta enkargá ku e investigashon aki. 

Teps:

Ta supliká  tur persona ku ta kere ku nan tin informashon riba e kaso aki, pa pasa e  
 
 

informashon aki pa Departamentu di Tráfiko via di number 866-6137(ora di

kantor) òf 911 (24 ora pa dia).

Number anónimo: 108 (e number aki ta duna tur garantia di anonimidat). 

Mensahe:

Analisando e sifranan di aksidente ku herido ku ta tumando lugá riba nos kareteranan ta bai un apelashon na tur shofùr i usuarionan di kaminda públiko pa pone mas atenshon den tráfiko. Kumpli ku reglanan di tráfiko manera mester ta, pa asina pos por evitá di hasi otronan òf nos mes daño i kousa tristesa den famianan.

Un tráfiko sigur ta bon pa nos tur.