| Tiramentu ku dos herido |
|
|
|
| Tuesday, 19 January 2010 - 21:13 | |
Djaluna, 18
yanüari 2010, alrededor di 22.30’or Sentral di Polis a dirigí un
patruya na Bahamasweg
pa un kaso di tiramentu. Klik read more pa mas informashon...
Na e sitio polis a bin konstatá mancha di sanger abou na suela. Mas lat alrededor di 23.00’or a drenta e mèldu na Sentral di Polis ku dos hòmber a yega na poliklínika di St. Elisabeth Hospital ku herido di bala. For di un investigashon preliminar na S.E.H.O.S., e víktimanan a splika ku nan tabata sinta den un outo na e adrès ariba menshoná, un outo pretu a pasa ku persona(nan) deskonosí pa nan i pa un motibu te ainda deskonosí, a los bala riba nan, ku a alkansá nan.Ta trata di e hòmbernan R.R.L. di 19 aña, ku a haña herida di bala na su brasa robes i R.C.L. di 20 aña, ku a haña herida di bala na su lomba. Ámbos nasé na Kòrsou. Nan situashon ta stabil. Polis a konfiská e outo ku e víktimanan tabata sinta aden, pa mas investigashon. Departamentu di Reshèrshi ta kontinuá ku e investigashon. |
