| Desaroyo nobo den kaso di asesinato di polis na Hulanda: Franklin Falconi por haya bida largu |
|
|
|
| Tuesday, 12 January 2010 - 11:31 | |
E homber Arubiano Franklin Falconi (51) kende dos aña pasa tira un
agente polisial femenina mata na Amstelveen tabata sa debidamente ku
tabata trata di un polis. Klik read more pa mas informashon...
Esaki ta kontrali na loke ela deklara na varios okashon tantu durante su interogashon komo dilanti di korte na Amsterdam.
Asina un testigu nobo den e kaso aki ta señala na ministerio publiko. E testigu aki ta un persona kual tabata sera huntu ku Franklin Falconi den durante ke tabata sera den aresto preventivo den huis van bewaring na PI Over Amstel na Amsterdam. Falconi mes lo mester a konté ke tabata sa ku ta trata di un agente polisial. Korte a sentensia Falconi na un kastigu di 12 aña di prison. Esaki tabata menos di loke Ministerio Publiko a exigi, kual tabata 18 aña.
Korte no por a haña prueba ku si e akusado tabata na altura ku tabata trata di un polis.
OM a 'teken aan hogerberoep' den e kaso aki i esaki lo keda trata na april awor. Ku e deklarashon nobo aki korte lo por dikta un sentensia mas pisa pa Franklin Falconi i OM por exigi te hasta bida largu, ku por keda honra pa korte superior. Falconi a bisa den un deklarashon den korte kela mira un sombra su dilanti i los un disparo ribe esaki i no ta sa si tabata trata di un ser humano. Un enfermero di GGD kende a bishita Falconi den warda di polis despues di su detenshon ja a jega di konta un kolega ku Falconi a bise ku e ta sa ku ta un polis ela tira. Pero e enfermero aki di Ambulante Medisch Dienst di GGD a ser exonera pa duna un deklarashon debi kela hasi uso di su 'beroepsgeheim'( art 273) i su 'verschooningrecht'. Falconi tabata en buska di su ex pa mata esaki di akuerdo ku investigashon polisial |
