Despues di a traha di serka ku e personahenan ku ta spònser i traha pa pusha sierto pensamentunan den mi pueblo di parti Partido PAR ami Juniel Adelina konosí komo “Araña” a realisá un anochi tendiendo un kombersashon di e pèrsonanan aki ku tur kos ta drei rondó di nan probecho personal ta p’esei ami a uni mi mes na pensamentu i tambe ku konvikshon p’ami purba remediá mi eskogensia robes di pasado. 

Den mi nesesidat i komo persona ku gana di forma parti di e profeshonalnan den e arte di aktuashon ma kere ku dor di a aseptá e trabou aki na 2007 i tambe den referèndem di 2009 lo a dunami e pas i trankilidat pa mi kas i mi famia, pero esaki no tabata e kaso. 

Ta p’esei awe mi ta desaprobá i repudiá e hecho ku na 2010 e mesun Partido PAR aki ta hasi uso di mi imágennan reeditá den spòtnan na Televishon ku en todo kaso no ta karga mi aprobashon ni tampoko outorisashon pa asina konfundí e pueblo. 

Ta imposibel ku hende i prinsipalmente esnan ku mester ta ehèmpel den e tipo di funshonnan di gobernantenan di pais ta pèrmití nan mes di usa mi imágen pa trata di konfundí nos pueblo di Kòrsou despues ku mi ta trahando i kampañando pa un kambio positivo den mi pais Kòrsou. 

Ami Juniel Adelina alias “Araña” ta kompletamente ku e kambio, mi pais meresé mihó maneho y mi ta skohe pa bienestar real y no esun temporal. 

Mi ta spera ku esaki a trese klaridat na mi pueblo, i ku nan ta konvensí despues di esaki ku ami ta ku Lista di Kambio i ku mi imágen en todo kaso ta wòrdu usa dor di PAR sin ta karga mi aprobashon! 

Juniel Adelina “Araña”

Cellular: 518-7121