| Hitzig Bazur: Aqualectra mester bira mas ambisioso |
|
|
|
| Wednesday, 06 January 2010 - 00:13 | |
Na
fin di anja pasa, Aqualectra a anunsia, ku nan ta planifika expanshon di
produkshon di energia en koperashon ku un otro kompania te na altura di 15% di
e uso di Korsou. Aqualectra a mustra su mes sumamente satisfecho ku e meta aki,
pero na mi pareser e meta ta muchu abou. Klik read more pa mas informashon...
Mi ta kere ku Aqualectra mester
mik hopi mas haltu. Kon haltu? Mi ta kere ku Aqualectra mester bai pa 100%
energia berde. E kos aki ta posibel? Mi ta kere ku si. Korsou henter anja tin
su bientu di pasat, ku ta dobla henter famianan di palu den e direkshon ku e ta
supla. Korsou ta tambe un isla banja door di solo. Henter anja tin un solo
kayente ta kima e isla. Nos isla ta pues unu, kaminda energia for di bientu i
solo ta masha bon posibel. Na e otro banda e perspektiva ta ku e preisnan di
energia for di fuentenan fosil (petroleo) lo sigi subi na alturanan kasi
inpagabel. Despues di un estadia tog basta largu den e region di 70 dollar pa
bari, petroleo den e dianan aki a pasa 80 dollar pa bari. Ku e preisnan mas
haltu pa petroleo krudo ta bini tambe e preisnan mas haltu pa e derivatonan:
Gasolin i gastunan di koriente. Ta espesialment e estratanan mas abou di
entreda lo tin hopi difikultad ku e gastunan aki. Ta di importansha pues pa
hanja otro fuentenan di energia ku lo por baha e gastunan aki mas lihe
possible. Lo ta bon pa Korsou skoge mas lihe possible pa energia for di solo i
bientu. Ta na Aqualectra awor e tarea pa presenta un plan ku ta mustra e
posibilidad aki. Kiko ta nesesario pa alkansa 100% energia di solo i bientu i
kuantu esaki lo kosta? Kon lo por finansia e invershon? Akinan ta bon pa
Aqualectra tene lo siguiente na bista: Hulanda ta bai inverti mas ku 900
miljoen Euro den un parke di mulina riba laman na Urk i Italie ta negoshando
invershonnan di hopi biyon den energa solar ku Libie. Europa kier introdusi
autonan elektriko mas lihe posibel, loke ta hasi baterianan di auto nesesario.
Aqualectra Korsou tin pues e posibilidad pa negosha invershonnan den energia di
bientu i solo na Korsou pa por ehempel kargamentu di bateria, ku e bentaga
adishonal, energia berde pa uso general di Korsou. Aqualectra ta sinta ademas
te ahinda ku e problema di lekmentu di awa i uso no autorisa di awa, kualnan ta
hisa e preis pa e konsumido. E solushon kompleto di e problema aki ta durando
eigenlijk demasiado tempu, mirando su impakto. Aqualectra riba termino kortiku
mester por lo menos mustra unda e problema ta mas agudo.
Sea
Pariba of Pabou, sea den Punda of na Santa Maria. Mester ta possible pa presisa
e problema di e forma aki. Un possible solushon pa e problema ta e ora ei, ku
ta bai deskonekta e regionnan, kaminda e perdida ta mas grandi.
E
konsumidonan den e region ei e ora ei lo hanja awa por medio di truck di awa:
Kas pa kas manera hopi anja pasa. E invershon den e solushon aki ta posiblemente
menos ku e perdida kausa pa e lekmentu i ladronisia continuo di awa. Hallo
Aqualectra, gustosamente nos lo kier mira un plan asina.
Manera
mi a bisa mas ariba kaba, Europa tin e intenshon di pasa mas lihe possible pa
autonan elektriko. Fabrikantenan di auto ya ta ofresiendo mas i mas modelonan
hybride (propulshon di tantu gasolin / diesel komo elektrisidad).
E
produktor di auto Merikano Tesla ya ta esun di prome pa ofrese un auto kompletamente
elektriko i e fabrikantenan mas grandi lo presenta nan prome modelonan e anja
aki (2010) mes. Na Hulanda un kompania priva ya a premira e nesesidad pa
luganan pa rekarga autonan di koriente i nan
ta hasiendo e invershon den e tipo di servisio aki. Kon ta para ku
Aqualectra den e sentido aki? Boso lo por satisfase e demanda pa elektrisidad
di un parke di auto elektriko na Korsou? Na unda i ki dia boso lo habri e prome
stashon di rekargamentu?
Riba
esaki tambe gustosamente Korsou lo kier mira un plan di Aqualectra! |
