| KLM ta reanudá buelo pa Aruba |
|
|
|
| Wednesday, 23 December 2009 - 09:50 | |
Entrante dia 1 di febrüari 2010 KLM ta
bolbe bula for di Amsterdam Airport Schiphol pa Aruba su Airport Reina
Beatrix i bèk ku un frekuensia lo ta dos
bes pa siman. Lo ehekutá e buelo en kombinashon ku e buelo eksistente
pa Kòrsou. Klik read more pa mas informashon...
Dia 29 di mart 2009 KLM a stòp
e buelonan regular pa Aruba. Pa motibu di un demanda kresiente pa e
destinashon aki KLM a disidí pa reanudá su buelonan pa Aruba. KLM
lo ehekutá e buelonan ku e avion Boeing 747-400. KLM i Martinair lo
ehekutá buelo banda di otro riba e mesun destinashon.
“Nos ta mira ku e kliente
ta pidi pa un produkto di Business Class for di Aruba i pa Aruba. Pa
por akomodá e diferente deseonan di nos pasaheronan, nos ta inkluí
buelonan di KLM banda di esnan di Martinair riba e ruta aki”, asina
presidente direktor Peter Hartman di KLM ta bisa.
E buelo KL 0783 ta sali for
di Amsterdam riba djaluna i djaweps 9 or i 35 di mainta i ta yega kuartu
pasá di 2 di mèrdia e mesun dia na Aruba. E buelo di regreso ku e
mesun number di buelo ta sali for di Aruba riba djaluna i djaweps 25
pasá di 3 di atardi i ta yega Amsterdam su siguiente dia 8 or di mainta.
|
