| Hobensita Hulandes ku tabata ser buska enkontra na Sint Maarten |
|
|
|
| Monday, 21 December 2009 - 21:34 | |
Debi
na dama Hulandes biba na Sint Maarten i personal atento di kuerpo
polisial na Sint Maarten, a logra na enkontra un hobensita di apenas 14
anja kende for di diahuebs ultimo kende e hui for di kas di su tata na
Utrecht, Hulanda. Klik read more pa mas informashon...
Ta trata di un mucha
kende a hana atenshon internashonal algun luna pasa ora ke kere kuminsa
ku un odisea masha peligroso esta un biahe solo rond mundu den un boto
di bela pa dje forma aki kibra un rekord i bira e belador mas hoben ku
mundu a konose ku a krusa oseanonan.
E deseo aki di Laura Dekker (14) no por a ser konkreta debi ku 'Raad van Kinderbescherming' na Hulanda a kuminsa un kaso pa evita ku e hoben aki lo por hasi esaki. Outoridatnan kompetente ta di opinion ku esaki ta un peliger pa su bida, e ta obliga na bai skol i esaki ta nifika ku e no por bai biaha pa un tempu asina largu. Na varios okashon e kaso aki bai korte te ku na dado momento korte superior a dikta un veredikto den kual ta laga pone e hobensita aki bow di supervishon di Raad van Kinderbescherming. E no a keda kontentu i for dje tempu ei ela bin kai den un situashon depresivo , manera un bosero di dje a informa na Hulanda. Diahuebs ultimo ela bandona kas di su tata na Utrecht i n o a bolbe mas. Outoridatnan ka ser pone na altura a bin ha~na sa ku elo a logra na lanta un suma di 3500 euro i lo a laga lastra. Mesora a insia ku un buskeda internashonal kual den oranan di ajera tardi a duna su fruto ja ku outoridatnan polisial na Sint Maarten a senjala esaki a detene , debi ku tin un orden di detenshon enkontra di dje. Sigun fuentenan na Hulanda e hobensita aki mester a hanya judansa di algun persona ku lo a jude tantu lanta e plaka komo kumpra un tiket na Hulanda pe tuma buelo i bai Sint Maarten. Ne momento aki ta hasiendo e tramitenan nesesario pa hibe bek Hulanda. Minister di hustisia Antiano Sra Magaly Jacoba ja tabata tin kontakto ku su kolega Dr. Ernst Hirsch Ballin ribe kaso aki i bisa ku lo no dura mucha ku e damsita aki lo ta riba un buelo di KLM ku eskorte rumbo pa Hulanda. Tur kos ta indika ku tin mas ku un persona ku jud'e mucha aki i e intenshon lo tabata pa tog e por realisa su deseo esta di subi laman ganchu i pa mustra ke por krusa mundu den tres siman di tempu i bira esun di mas hoben ku ta nabega solo riba u n embarkashon di bela chikitu. Esaki e kera insia for di Sint Maarten, despues ku na Hulanda a impidie esaki. Esnan ka yude lo ta konosi na Sint Maarten. E dama kende a rekonose e mucha a mire su foto riba un wepsite Hulandes di buskeda di persona i a rekonose ribe kaya na Sint Maarten. Lo investiga kende tesnan ku l o yud'e i lo sigi proseduranan huridiko pa persigi esakinan penalmente. Ta sigur ku for di Schiphol elo no por a sali sin un persona major di edat. |
