Sanikolaas e biaha aki tabata tin honor di e wòrdu risibí dor di Gezaghebber mr.dr. Glenn Thode ku mes ora a salud’é i a deseá Sanikoaas tur klas e di éksito i un dushi estadia durante e dianan aki na Boneiru. Mes ora  Gezaghebber di Boneiru a despedí di e hòmber Santu debí di otro kompromisonan ku Gezaghebber mester a kumpli ku n’e na e mes un orario,os Gezaghebber Interino sr. Peter Silberie a sigui kompania Sanikolaas te den Parke Wilhelmina kaminda e organisadónan a sòru pa un tremendo aktividat na honor di yegada di e hòmber Santu.

E mainta ei hopi muchanan tabata riba pia pa asina topa Sanikolaas i su Pietnan i probechá di okashon pa duna nan un man. Loke tabata remarkabel ku e aña aki Sanikolaas a bini ku muchu mas tantu Piet.

A komprendé ku Situashon finansiero di Sanikolaas e aña aki si a permití ku e por a biaha ku mas Zwarte Piet ku kustumber.