Komo tal esaki tin un prioridat hopi haltu pa yega na solushon rápido pa e pashèntnan aki.

Diputado a sinta na mesa ku e tim di nefrólogo pa wak kiko ta e posibilidatnan.

Tur tabata di akuerdo ku, tantu e nesesidat komo e boluntat tei pa kuminsá ku un sentro pa dialisá na Boneiru. E nesesidat pa bini ku un sentro pa dialisá ta un mester si tene na kuenta ku e pashèntnan di nir aki na Boneiru ta oumentando.

Ta kada bes e pashèntnan aki ta riba avion pa bai Kòrsou mainta tempran i bolbe bek mayoria biaha riba e mesun dia bek. Esaki ta sigur un kansansio pa e pashènt i pa e echo ku Boneiru no tin un sentro pa dialisá, esaki ta trese kuné ku gastunan pa e tratamentu aki ta hopi haltu.  Pues gobièrnu ta konsiente di e echo aki i ta hasiendo lo máksimo pa kompletá e proyekto aki i asina trese un alivio pa pashèntnan di nir.

E proyekto aki tabata plania pa basta tempu kaba. Sinembargo nunka a mustra interes pa kristalisá esaki, tampoko a tene na kuenta e molèster ku e pashèntnan tin pa bai dialisá na Kòrsou. Diputado sra. drs. Marugia Janga, asumiendo su responsabilidat, a mira e nesesidat pa kanalisá e proyekto pa un sentro di dialisashon aki na Boneiru.

Entre tantu e spesialistanan a hasi un análisis i nan ta den proseso di deliberashon pa wak kon hinka e proyekto aki bon den otro si tene na kuenta ku ta trata aki di algu delikado.

Den e kuadro aki e diputado ta spera pa pronto dr. Engels por bin Boneiru p’asina sinta na mesa ku tur instansia enbolbí pa wak kon lihé por yega na konkretisá e sentro aki.

Diputado sra. drs. Marugia Janga a splika ku e i  gobièrnu ta para pa aksesibilidat i kalidat di kuido.