| Konseheronan di Nashonnan Uni ta bini Bonaire |
|
|
|
| Tuesday, 24 November 2009 - 21:26 | |
Den kuadro di esaki, srs. Mansour Sadeghi i Peter Eicher di e divishon di Asistensia Elektoral di e asuntunan polítiko di Nashonnan Uni lo ta na Bonaire dia 30 novèmber te ku 5 di desèmber próksimo, pa konsehá riba kontenido di e referèndem binidero.
E personanan aki lo reuní
ku miembronan di Kolegio ehekutivo i tambe ku partidonan polítiko,
komishon di referèndem i otro organisashonnan ku ta representá
nos komunidat Boneriano.
Despues ku e dos personanan aki terminá nan análisis, nan lo konsehá Gobièrnu entre otro riba e fecha i preguntanan di e referèndem pa esaki kana segun regla i ku e por wòrdu akseptá internashonalmente. E diputado di Struktura Estatal drs.Marugia Janga ta e persona enkargá ku e mishon aki i kier pa e proseso kana segun reglanan stipulá. |
