| dip Frensel Janga a bishita ofisina nobo di Post i Archivo |
|
|
|
| Monday, 23 November 2009 - 15:25 | |
Djabièrnè 20 di novèmber diputado di Pòst i Archivo sr.
Frensel Janga tabata di bishita na un di su servisionan kual ta Pòst
i Archivo. Klik read more pa mas informashon...
Algun siman pasa e servisio di Pòst i Archivo a muda den e edifisio kaminda ántes tabata Montecatini Supermarket. E servisio tabata tin nesesidat di un espasio mas grandi i ku kompartimentu muchu mas mihó. Pa e echo aki diputado di e servisio a bai den oranan di djabièrnè mainta pa mira kon e empleadonan a akomodá nan mes. E empleadonan tabata satisfecho ku e echo ku e espasio ta hopi mas grandi solamente algun kosnan chikí lo mester bini ainda. Fuera di a mira kon e edifisio nobo ta, e diputado a interkambiá ku e hefe di e servisio i e empleadonan pa tende di nan , nan opinion. For di nan reakshon por a saka afó ku nan ta sinti nan mes muchu mas mihó den e edifisio nobo aki. |
