| Dosente i almunonan di CCC ta bai presenta un show musikal |
|
|
|
| Friday, 20 November 2009 - 09:13 | |
Den kuadro di selebrashon
di su 60 aña di eksistensia, djasabra 29 di òktober próksimo Sentro Kultural
Kòrsou (CCC) ta organisá un tremendo “Show Musikal” ku partisipashon di alumno
i dosentenan di Akademia di Músika Edgar Palm. Klik read more pa mas informashon...
E show aki lo keda tené den
K-Center ku ta situá na Brievengat di 7.30’or pa 10’or di anochi. Durante e
Show Musikal aki nos lo mira e hóben alumnonan interpretá tantu músika klásiko
di kompositornan manera Rachmaninoff, Beethoven i Sibelius, pero tambe nan lo
presentá diferente músika di Jazz, músika Latino i músika Antiano manera nos
wals, mazurka i tumba.
E hóbennan aki ya kaba
tin diferente luna ta ensayando huntu ku nan dosente i por spera ku e Show
Musikal aki lo bira un presentashon hopi apart i bunita. Diferente di e
dosentenan di Akademia di Músika Edgar Palm ta partisipando den e proyekto aki
i nan tambe lo forma huntu ku e alumnonan e diferente agrupashon ku lo presentá
e piesanan pa deleite di e públiko.
Pa medio di esaki Sentro
Kultural Kòrsou ke invitá henter komunidat pa asistí na e “Show Musikal” aki i
bin skucha i apresiá nos futuro talentonan musikal. E anochi aki lo bira un
anochi musikalmente hopi variá, apart i úniko. |
