Un di e partinan mas kulminante durante e anochi tabata na momento ku a yena e balòn ku aire, e atrakshon grandi di Breitling. E balòn “Orbiter III” a bira masha popular despues di a hasi un biahe rònt mundu den 21 dia. E ta den un gira mundial awó ku a bin terminá aki na Kòrsou. A yena e balòn ku aire pero no tabata posibel pa e bai den aire debí na kondishon di bientu.

E públiko a aploudí  e gesto masha ora ku a anunsiá ku durante e luna di apertura aki, di kada benta ku hasi den e tienda, 10% lo bai komo donashon na “Winds of Hope” un fundashon karitativo ku ta yuda pashentnan di un malesa inkurabel.

E herensia di e nòmber Breitling ta bini di e famoso Leon Breitling ku ta bai bek den añanan 1884 tempu ku ila kuminsá traha su piesanan chikitu di oloshi den su tienda situá den e serunan di Switzerland. Di e tempu ei kaba e enfoke tabata riba piesanan riba tereno médiko i di aviashon. E marka a evolushoná su mes i a kuminsá krea “timing instruments” pa e kompanianan ku ta traha avion mas konosí na mundu. Na aña 1970 Breitling a wòrdu kumprá dor di e famia Schneider, kendenan ketu bai ta e doñonan i por bisa ku Breitling ta un di e úniko i poko markanan ku ta 100% independiente i tin un solo doño.

Breitling a wòrdu pidi dor di NATO pa diseñá un oloshi speshal pa pilotonan. Meskos ku un avion tin su blackbox, asina Breitling a traha un “timepiece” pa e pilotnan yamá “Emergency” kual oloshi ta na benta den e tienda aki na Kòrsou tambe. E oloshi tin un antèna den dje ku asina e piloto ta den peliger, e ta saka e pin i e ta aktivá e antèna pa manda señal di SOS di biaha. Te ku aña pasa “Emergency” a skapa 28 bida kaba, pues ta proba ku e instrumento aki ta traha den momentonan di emergensia. Hopi di nan piesanan no ta wòrdu usa solamente pa pilotonan, pero tambe pa pasaheronan ku ta biaha hopi.  

Breitling ta dediká hopi den training na nan personal, nan ta laga nan trahadónan pasa den full un proseso di workshop i sertifikashon ekstenso. Nan ta entrená nan riba e produktonan, kalidat i luho. Tambe tin planeá pa manda algun empleado otro aña Switzerland pa bishita e ofisina prinsipal einan i pa nan mes sinta den un banki y traha riba un oloshi nan mes.

Breitling a keda masha kontentu ku e kaluroso “bon bini” risibí aki na Kòrsou, no solamente dor di instansianan ofisial pero tambe for di e pueblo general. Nan tin espektativa haltu ku e pakus nobo, e di tres den Karibe. Breitling ta un di e liñanan eksklusivo di Little Switzerland, kende riba su mes tin hopi aña di negoshi aki na Kòrsou i den henter Karibe.