| Korsou ta sigui move djadumingu dia 15 di November na Brionplein |
|
|
|
| Friday, 06 November 2009 - 10:44 | |
E próksimo aktividat di Kòrsou Ban Move lo ta djadumingu dia
15 di novèmber pa 6:30 di mainta. E programa di e biaha aki lo
ta Fitwalk kombiná ku Body Shape. Klik read more pa mas informashon... Un nota importante den e programa di dia 15 di novèmber próksimo, ta partisipashon di Komité Olímpiko di Antia Ulandes, NAOC den e proyekto aki. Ta asina ku riba e fecha aki NAOC ta selebrá Olimpic Day, kaminda ta stimulá tur hende pa hasi ehersisio. NAOC djadumingu dia 15 di november pa 6 or di mainta lo parti e T-shirt grátis na tur esnan ku lo partisipá na e programa di Kòrsou Ban Move di e fecha ei. Di e forma aki e programa di NAOC tambe ta djòin Kòrsou Ban Move. Manera ta konosí, na luna di ougùstùs 2009, a kuminsá ku e proyekto Kòrsou Ban Move. Meta di e proyekto Kòrsou ban move ta: Promové mas movishon bou di pueblo di Kòrsou na preis mas abou posibel pa e habitante;
PROGRAMA DI 15 DI NOVEMBER 2009 Salida: Brion Plein, Emmabrug, Barku di Fruta, Wilhelmina Brug, Scharlooweg, Plaza Horacio Hoyer, Juliana Plein, Kaya Wilson Godett, dilanti Leeszaal krusa Citco, Waaigat, Columbusstraat, Wilhelmina Plein, Boogjes, Emmabrug i finalisá na Brion Plein. Djei ta sigui Body Shape i despues e "cooldown strech".Ta pidi tur hende pa nan ta presente for di 6:00 a.m. na Brionplein, pa asina ei por tuma nan T-shirt di NAOC ku ta keda repartí den forma grátis. Ta importante pa TUR partisipante kumpli ku e siguiente puntonan pa por partisipá optimal ku e aktividatnan di Kòrsou Ban Move. Mester bisti sapatu sera speshal pa deporte ( Kèts)
|
