Dje forma aki e ta pensa di por kambia e mentalidat bow di hobennan Antiano den e siudat portuario aki i pa evita ku nan lo sigi komete krimennan i usa arma di kandela.

Kesaki e ta spera di por redusi e kantidat di krimennan ku ta ser komete bow di hobennan Antiano na Rotterdam.

Pero esnan ku entrega nan arma no ta haña un trato di grasia ja ku  nan lo risibi tog un but i e arma lo keda di test pa outoridatnan forensiko pa wak ku si e arma lo por a ser usa.

Resientemente e tabatin un enkuentro ku algun organisashon Antiano na Rotterdam unda ela manifesta su prekupashon pe forma kon hobennan Antiano ta komporta nan mes.

E ta di opinion ku den komunidat Antiano e rol di mama ta desisivo ja ku den majoria di kaso te mama tesun ku ta kria e joe sea ku e tata tei of no tei na kas.

Majoria mama ta na altura ku nan joenan tin un arma di kandela huntu ku nan.

Pero ku nan ta sera nna wowo pe'saki.

Ela bisa ku tin kaso unda mamanan Antiano mes ta duna nan joe un arma di kandela esta arma esakinan debi ku nan ta pensa ku dje forma ak i e joe por defende su mes riba kaya i ta mas segur.

Esak i si ta algu ku ta pa prome bia nos ta tende. Si esaki te kaso nos no por bisa.

Pero nos ta spera ku Aboutaleb  ta bon informa  si kiko e ta papia.

Nos no ta spera ku eskai ta steunt politiko di e alkalde aki di PvDA pa asina logra haña voto pe sigiente elekshon munisipal pa su partido na Rotterdam.