| La India ta firma kontrato eksklusivo ku Top Stop Music |
|
|
|
| Monday, 12 October 2009 - 18:42 | |
E kantante di Salsa La India pronto lo bolbe graba un disko nobo i despues lo bolbe subi esenarionan di mundu. Awor aki nan ta finalisando e último detayenan di su kontrato pa su regreso. E lo bai forma parti di e famia diskero Top Stop Music. Klik read more pa mas informashon...
Mas de 20 aña e la
konsagrá su mes komo un di e bosnan femenino mas eksitoso den e mundu
di Salsa i ku a hasi mas impakto internashonal. Pe motibu ei tambe a
denominá La India komo: “La Princesa de la Salsa”.
Na diferente okashon e la risibí premionan importante manera Grammy Latino komo Grammy Merikano pa su diskonan ku e la graba. E la aktua na diferente okashon ku salseronan renombrá manera, Tito Nieves, Marc Anthony y Oscar D´León. La India awor aki ta den preparashon pa loke lo bira su di 9 disko kaminda lo e bin tan ka tan, despues ku pa mas ku 3 aña e no a graba su mes disko, i solamente a figurá riba algun disko di otro artista, e.o. riba e disko di Alberto Barros. Top Stop Music tin komo presidente e empresario Kurasoleño Gregory E. Elías,i Sergio George,ku ken anteriormente La India ya a yega di traha den diferente proyekto musikal eksitoso, manera ta e kaso ku e disko:“Dicen que soy”, na aña 1994. “Mi ta sintimi felis i konfia ku e paso ku mi a tuma”, asina La India a komentá. “Pa mi, bolbe traha ku Sergio ta un privilegio i mi sa ku huntu nos lo traha un tremendo disko”. |
