| Korsou, ban move djadumingu awor na Koredor George Hueck |
|
|
|
| Monday, 12 October 2009 - 15:41 | |
|
Djadumingu awor, e programa Kòrsou Ban Move ta sigui manera primintí 1 biaha pa luna. E biaha aki ta bai kabes pabou, ora ku lo bai kana na Koredor George Hueck na Rif i despues baila soda riba e velt di Aqualectra. Klik read more pa mas informashon...
Manera ta konosí, na
luna di ougùstùs 2009, Gobièrnu di Kòrsou den estrecho koperashon
ku GGD, SEDREKO i tambe instruktornan Sabina Evertsz i Angeline Bakhuis
di B-Fit, a kuminsá ku un seri di programa ku lo mester stimulá komunidat
pa move, hasi ehersisio i kuida bo kurpa. Esei a pone ku na komienso
di luna di ougùstùs, durante un siman largu, a organisá aktividatnan
di moveshon masal ku a resultá un éksito rotundo.
Pesei tantu Gezaghebber sra. Liza Dindial i Diputado Humphrey Davelaar a primintí ku e programa di Kòrsou Ban Move lo sigui un biaha pa luna, tambe tin e pensamentu pa na luna di desèmber bai bek na un siman promé ku maintanan di Misa di Ourora kuminsá. E siguiente aktividat di Kòrsou Ban Move ta djadumingu awor dia 18 di òktober pa 6 or di mainta na Koredor George Hueck na Rif, kaminda lo kana bai te WTC, bini bek i despues baila soda. PARTISIPASHON TA GRATIS. Un invitashon ta bai na tur hende pa partisipá na e aktividat aki. E ta kompletamente grátis. Esnan ku ya a inskribí no tin nodi di hasi esaki. Otro personanan ku ta interesá na partisipá na e aktividat aki, por inskribí nan mes, buskando formulario na Bentana di Informashon na Breedestraat Punda 39C i na B Fit. Djis yena esaki i tresé bek kaminda esaki a keda rekohé.
Gobièrnu di Kòrsou
ta simulá un i tur pa nan partisipá na e aktividat aki,
pasombra 2009 mester bai den historia komo e aña ku Kòrsou a kuminsá
move.
|
