| KLM ta akomodá Boneiru |
|
|
|
| Monday, 12 October 2009 - 10:01 | |
Riba petishon insistente di e industria turístiko di Boneiru, KLM
a bai di akuerdo pa entrante kuminsamentu di otro aña
hala un di su seis buelonan semanal di djaweps pa djabièrnè. Klik read more pa mas informashon..
Den e skema nobo di invierno,
ku fin di e luna aki ta drenta na vigor i ku ta keda vigente te fin
di mart otro aña, tin planiá riba djaweps buelo KL 763 riba un avion
tipo MD-11 en kombinashon ku Sint Maarten. Outoridatnan turístiko i
atministrativo di Boneiru a insistí serka KLM pa por kambia e buelo
spesífiko aki i mand’é djabièrnè. Esei ta kumbiní mas pa por
ofresé pakete di estadia di fin di siman for di Europa pa e isla di
Flamingo.
KLM a tuma e petishon aki na
konsiderashon pa por wak si den e sistema logístiko kompliká
por haña espasio pa kumpli kuné. For di e konsulta den un sírkulo
amplio di rango dentro di KLM a resultá ku for di dia 15 di yanüari
2010 lo no implementá buelo KL 763 mas riba djaweps, sino riba djabièrnè.
Te e dia ei lo mantené e buelo djaweps, entre otro pasobra e sistema
di reservashon ta mustra ku e okupashon riba e buelo ya ta bastante
haltu. |
