Pa e konsierto ku ta mustrando di lo bai bira ‘E konsierto di 2009’ tin un interes altísimo pa asistí na e evento. Djasabra último Juan Luis Guerra a kuminsá ku su presentashon na Hapon i lo tin ku aktua mañan djamars pa su di dos i último presentashon na Hapon. Despues djei nan lo ta rumbo pa Repúblika Dominikana pa prepará pa dia 29 di ougùstùs hasi nan presentashon na Kòrsou. Klik read more pa mas informashon...

Interes di eksterior

Dor di e tremendo trabou di e branding partner dje konsierto, Curaçao Tourism Board e interes pa e konsierto ta hopi haltu no solamente na Aruba i Boneiru pero tambe na Venezuela i muy en partikular Sürnam. Siman pasa un representante di CTB huntu ku un representante di e organisashon a bai Sürnam pa un rueda di prensa i un kantidat di entrevista na medionan di komunikashon. Tin asina tantu petishon na Sürnam ku ya un buelo charter a yena i e di dos buelo ta yenando. Esaki sin konta e buelonan regular. Tipo di promoshon asin’aki no solamente ta hasi un konsierto eksitoso pero ta trese divisa pa Kòrsou. E bishitante nan ta keda na un hotèl lokal, ta kome den restorant, ta hasi kompra den nos siudat i ta mira e bunitesa di nos Kòrsou. 

VIP Silver Class

Karchinan pa e sekshon di VIP Silver Class ta bayendo sumamente bon i International Event Productions ke probechá di e okashon di anunsiá ku por kumpra karchi los pa e sekshon aki. Tabatin e pensamentu ku ta solamente mesa ta bende pa e sekshon aki loke no ta kuadra ku realidat. Esnan interesá por yama +5999 463-6446 pa kumpra nan karchi pa e sekshon di VIP Silver Class.

Informashon

Den dianan ku ta bai sigui lo tin kantidat di informashon ofer dje konsierto di Juan Luis Guerra na Kòrsou dia 29 di ougùstùs próksimo. No lubidá ku karchinan pa sekshon di Business i General ta optenibel na Beep Beep Rio Canario, Mensing’s Caminada, Howard Johnson Plaza Hotel, Polonius/ Norsa, Amstel Nieuwe Haven i ku bo karchi di Fun Miles bo por kumpra bo karchi na ofisina prinsipal di Fun Miles.

La Travesia Tour, dia 29 di ougùstùs den Rif Anfiteater.

Pre show

E pre show pa e konsierto di Juan Luis Guerra lo ta na enkargo di ‘ensemble’ di tres banda. Rhydd’m, Tony Conga i Son CC lo uni pa trese un ambiente úniko den un pre show ku lo ta karga ku bon músika.

Anfiteater

E stadion lo keda kombertí den un anfiteater. Lo bai tin tres sekshon. Kada sekshon lo tin su mes entrada i esaki lo ta visibel pafó di stadion. E flur pa e sekshon di VIP-Silver Class i Business Class lo keda kubri. Den tur sekshon lo tin dansflur pa esnan ku ke baila!.