| Grupo di rčp The Clipper Boys ta lansa nan disko kompakto iNsolito |
|
|
|
| Wednesday, 05 August 2009 - 18:17 | |
|
The Clipper Boys a kuminsá komo un
simpel grupo di amigu ku interes den músika. Na 2007 nan a disidí di formalisá
e grupo i kuminsá komponé na propio músika. Awor nan ta na punto di trese nan
mes disko kompakto riba merkado. Klik read more pa mas informashon...
Trahando duru i ganando eksperiensha e
ta tres integrantenan a haña diferente oportunidat i petishon pa presentá na
diferente fiesta i aktividat. The Clipper Boys a presentá na diferente evento,
manera X-Mas Showcase, Urban Chaos, i vários otro aktividat mas.
Mirando e reakshon di e públiko nan a
disidí di bai un paso mas leu, esta traha riba nan propio disko kompakto ku ta
hiba e título “iNsolito”
E grupo di rèp The Clipper Boys ta
konsistí di e siguiente tres hóbennan:
* Alexander Romero (Lecho23) ku ta e
lider di e grupo i tambe kompositor di su propio letranan.
* Nadjir Pandt (Djir-Unit) tambe ta un
kompositor i e mes tambe ta skirbi tur su letranan.
* Dafner Huerta (Kilate) ta esun ku a produsí
kasi tur e pistanan riba e disko kompakto ‘iNsolito’.
Huntu nan a produsí e álbum ‘iNsolito’.
Riba dje tin produkshon di Mena$a,
Gachi, TimmyTonez i mas ku klaro Kilate. Tambe lo tin vershonnan ku gruponan
manera Dobbel D, Area51, Los Inmorales, 187CLICK i hopi mas.
Djabièrnè awor, dia 7 di ougùstùs for
di 10 or di anochi tin evento kaminda lo lansa i batisá e disko kompakto
‘iNsolito’. E álbum release party ta na Club CINCO na Parera. E evento aki lo ta
yen di sorpresa i presentashon spesial manera di Los Inmorales, Dobbel D,
187CLICK i GuyNanStyling. Riba e portada di e disko kompakto por mira e tres integrantenan di The Clipper Boys, di robes pa drechi Lecho23, Djir-Unit i Kilate. |
