| Mucha i hóben lo por produsí nan propio pelíkula kòrtiku na Bonaire |
|
|
|
| Friday, 24 July 2009 - 23:05 | ||||
|
E eksitoso plan di fakansi i kompetensia di pelíkula kòrtiku, inisiativa di Minister di Telekomunikashon Maurice Adriaens i organisá pa Bureau Telecommunicatie en Post na tur isla di Antia, a finalisá djamars na Bonaire. Klik read more pa mas informashon...
Durante e plan di fakansi
e partisipantenan a siña tokante di telekomunikashon, a bishitá vários
kompania i instansia di telekomunikashon i a siña kon ta graba i monta
nan mes pelíkula riba kòmputernan di Privé Pro. Na e klousura tur
partisipante a risibí un sertifikado di sekretario di estado pa telekomunikashon,
sr. Julio Constancia, komo muestra di nan partisipashon na e training
di traha pelíkula kòrtiku.
Proyekto fantástiko Na Bonaire kordinashon di e plan di fakansi tabata den man di Jong Bonaire i lider Jona Chirino ta mira bèk riba un proyekto fantástiko, kaminda e muchanan a sia hopi di e mundu fasinante di telekomunikashon i a gosa un bòl. Segun Jona Chirino, e proyekto meresé un ripitishon. Esaki a keda konsedé tambe, asina direktor di Bureau Telecommunicatie en Post, señor Joao de Canha, a deklará na okashon di e klousura. E klousura tabata den kuadro di e tema di un anochi di sine manera sa tin na Hollywood, kompletu ku su tapeit kòrá i rekonosementu di e tremendo talento ku Bonaire tin. Kompetensia Awor a sobra e último parti di e plan di fakansi: un kompetensia di pelíkula kòrtiku i tur partsipantenan na e plan di fakansi ta partisipá outomátikamente na e kompetensia tambe. Na e klousura e partisipantenan a entregá direktor di Bureau Telecommunicatie en Post un DVD simbóliko ku nan produkshonnan riba dje. Lo tin tremendo premio riba tereno di telekomunikashon pa e ganadónan di e kompetensia.
|
||||
.JPG "bonaire (2).JPG")
.JPG "bonaire.JPG")
.JPG "bonaire.JPG")
