Durante i despues di e final di weganan olímpiko ku e kompetensia di kareda riba 200mt na Beijing, Kòrsou a biba kuné. E ta e atleta di mas velos den reino i ta okupá  puesto entre esnan grandi manera Usain Bolt, Shawn Crawford i Asafa Powell. Klik read more pa mas informashon...

I e ke laga mustra ku simplemente e ta hasié limpi limpi. Nobo den e rei awor tin Churandy Martina komo embahador pa 100% liber di droga. Esaki a keda deklara pa e organisashon “100% dope free”.   

Churandy Martina a nase na Kòrsou na 1984. El a kuminsá ku vòlibòl, baseball i futbòl i pronto a Sali na kla ku e tin talentonan grandi pa deporte. Ku su 14 aña el a subi e tereno di atletik  i a desaroyá riba e tereno aki di forma rápido. Un aña despues, ku su 15 aña su logronan a kuminsá. E tempu ei Ulanda no tabata konosé pero te na 2003 nan a sa ken ta Churandy Martina ora el a kore su promé kareda na Ulanda.   

E fama mes a bini pa Churandy Martina durante di su partisipashon na weganan Olímpiko na Beijing aña pasa. E echo ku Churandy Martina a keda nombra komo embahador ta ku e ke sirbi komo ehèmpel pa hóbennan durante di weganan di reino ku ta tuma lugá fin di yüli 2009 na Aruba. “Den mi kareda komo deportista mi a topa ku koleganan ku ta usa droga pero no por proba esaki te ora nan keda gara. Ta masha importante pa mi pa ta embahador i asina mustra hóbennan ku por otro”.

Wendel Prince su coach durante di añanan ta bisa “Churandy tin disiplina i e ta tuma su treiningnan na serio. Ta un biaha bo ta splik’é algu. I por lo demas e ta sòru bon pa su mes. E no ta e tipo ku tin interes den fiesta i bebementu. I banda di tur esaki e ta físikamente fuerte”.  

Churandy ta konsiente ku tin mas atleta ku ta kore limpi. “Mi a demostrá ku medayanan ta posibel sin tin di usa droga. Mi ta para kaminda mi ta aktualmente dor di traha duru, disiplina i perseveransia. I asina mi ta sigui te ora mi logra mi otro metanan di kibra e rekòrt mundial”.  

Kiko Churandy ta pensa di usamentu di droga den deporte? “e kòntròlnan a bira mas fuerte i p’esei mi ta kere ku uso di droga den deporte a bira mas i mas difísil. Hopi biaha mi ta wòrdu kontrolá i esei ta algu bon. E chèns pa nan garabu ta grandi.  

Riba e pregunta kon e ta kere su famia lo reakshoná di e tèst positivo Churandy a bisa “Nunka mi a pensa riba esei, pasobra e lo no sosodé”.  

Pa mas detayes por bai riba e website: www.100procentdopefree.nl/ambassadeurs/churandy-martina