| En total 13 kaso konfirmá di Influčnza A (H1N1) |
|
|
|
| Tuesday, 21 July 2009 - 15:10 | |
Servisio pa Komunikashon i Informashon ta informá ku djaluna 20 i yüli último a risibí
konfirmashon di laboratorio di Universidat Erasmus di Rotterdam di
dos (2) kaso mas di Influènza A (H1N1) na Kòrsou.
Ta trata aki di dos hóben ku no ta relatá ku otro ku resientemente a biaha pa Puerto Rico. Un di nan a partisipá na e torneo di softball ku ta tin resientemente. Entretantu e dos kasonan aki ta rekuperando bon. Esaki ta trese e kantidat di kasonan konfirmá ku Influènza A (H1N1) akumulá na Kòrsou na diestres (13). Komo ku nos ta yegando e último parti di fakansi, tin ku tene kuenta ku e kasonan sospechá di e grip nobo lo oumentá. Ora hende biaha pa un pais kaminda tin mas transmishon di Influènza A H1N1, e chèns ku nan por bin den kontakto ku e vírùs ku ta kousa e grip nobo ta mas grandi. Ta sigui kòrda tur hende ku a kaba di bin bek di un biahe for di eksterior i dentro di 7 dia ta desaroyá síntomanan di grip, òf si ta tin kontakto ku un hende ku a keda konfirmá ku e grip nobo i dentro di 7 dia ta desaroyá síntomanan di grip, pa por fabor keda den kas i yama bo dòkter di kas. No bai konsultorio, ni poli, ni GGD. Keda na kas i yama bo dòkter. Si e dòkter ta kere ku por ta e grip nobo, e lo yama GGD i un Public Health Nurse lo tuma kontakto ku bo na kas. Kòrda yuda pa e grip no sigui plama: tapa boka ora ta tosa, tapa nanishi ora di nister. Uza un tissue pa hasi esei i kòrda tira e tissue den kos di shushi. I naturalmente, no lubidá di laba man frekuentemente ku awa i habon. |
