Wichita Villacres, President y CEO di ECO DMS, hunto ku afiliasion di PRA Destination Management di Sur-Este di Florida a tene un cocktail party elegante na Hotel Kura Hulanda, Willemstad, Korsow, deklarando ku su kompania ta awor posisiona pa e merkado di Dutch Caribbean, Aruba y Korsow, dos
destinasion tropikal similar y toch diferente di otro.

E fiesta na Jaipur restaurant, ku bista pa e eco pisina tabata realsa ku e presencia di varios ‘movers and shakers.’ E tabata atendi pa invitado di honor, Liza Dindial Gezaghebber di Korsow y Aruba su Ministro di Turismo y Transporte Ing. Edison Briesen, hunto ku e desaroyador legendario y filantropo Jacob Gelt Dekker, doño di Kura Hulanda Resorts.

Entre esnan presente pa extende nan felisitacion di kurazon na ECO DMS y su team na Korsow hunto ku nan Sales Manager Nacional Janine de Windt, ta miembronan di e Korsow Tourism Development Board, Managing Director Evita Nita y miembro di board Reginald Martes, hunto ku lider di sindikato Kenneth
Valport, Vice President di CHATA Billy Jonckheer, President/Director di Kura
Hulanda Hotels, Peter Heinen, General Manager Shirlley Geerman, Director di Real Estate Paul Siegel, Profesor di Medicina Oncologico Dr H. M (Bob) Pinedo, Phyllis Hernandez di Five Star Promotions y Cesar Rodriguez di Fundacion Corsow Limpi Bunita, ku a risibi un donashon di ECO DMS durante e
fiesta aki.

Entretenimento tabata inklui e tradishonal Caha di Orgel ku bailarinnan den vestuario folkloriko, un pareha di salon interpretando un Wals y Danza elegante, y un tremendo performance di Futuro Memoria Di Corsow ku dramatikamente a presenta historia di e isla ku baile, kanto, kandela, tambu y suplamento ritualistiko di konchi.

Den su speech na dignatarionan Villacres a bisa ku e ta kere den Korsow komo un destinashon eksepshonal bendishona ku un historia riko y kultura genuino y ku su kompania lo promoshona e isla y lo train su hendenan den e arena di MICE, reunion  y insentivo, trahando ku proveedornan y negoshinan lokal.

Villacres a splika ku el’a biaha rond mundo komo Presidente y CEO di su kompania y inkansablemente a asisti gruponan y a krea kontratonan lukrativo henter aña.

ECO DMS, e ta agrega ta un kompania orguyoso di ta ‘green’ y e lo sigui enkurasha responsabilidad korporativo soshal, inkulkando esfuerzonan pa konserva naturalesa y p’esey ta hasi e donashon na Fundacion Corsow Limpi Bunita.

Villacres a gradici Kura Hulanda su tim di food & beverage pa hasi su debut
na Korsow asina espektakular, na e historiko y elegante Kura Hulanda Hotel.