Servisio pa Komunikashon i Informashon ta informá lo siguiente tokante resultado di tèstnan den kuadro di grip nobo, Influènza A (H1N1).

Ayera, 16 di yüli, a risibí konfirmashon di laboratorio di Universidat Erasmus di Rotterdam di tres (3) kaso mas di Influènza A (H1N1) na Kòrsou.Tur e tres kasonan aki ta pertenesé na e mes un famia ku a biaha pa Puerto Rico. Nan a kuminsá haña síntomanan for di einan. Na momentu ku e Public Health Nurse a bai realisá e tèst serka e pashèntnan, e pashèntnan  i nan  kontaktonan a risibí tratamentu ku oseltamivir. Entretantu un di e kontaktonan tambe a bira malu. Awe a tuma muestra serka e último pashènt aki. Nos ta ferwagt ku e tèst ei lo sali positivo tambe.Te na e momento aki tin akumulá un total di 10 kaso konfirmá di Influènza A (H1N1) na Kòrsou. Nuebe (9) di esakinan ta relashoná ku biahe pa eksterior i unu (1) a wòrdu infektá na Kòrsou mes. E sistema di vigilansha bou di un grupo representativo di dòkternan di kas te ainda no ta mustra un oumento di kasonan di malesa respiratorio. Es desir, e total kantidat di kasonan ta limitá; no tin transmishon di e vírùs lokalmente i no tin señal ku tin mas kaso ku normal di “grip”. Por konkluí ku e situashon na Kòrsou te ku awor ta bon kontené.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment