| Di sinku kaso di influenza A (H1N1) konstata na Korsou |
|
|
|
| Tuesday, 30 June 2009 - 18:53 | |
|
Gobièrnu
di Kòrsou ta informá ku djaluna dia 29 di yüni mèrdia, a risibí
resultado di un tèst realisá den e wikènt ku a pasa den kuadro di
e grip nobo, Influènza A (H1N1) for di laboratorio di Universidat Erasmus
di Rotterdam, Ulanda. E tèst aki a keda konfirmá komo kaso di Influènza
A (H1N1). Klik read more pa mas informashon... Tambe a drenta resultado di un kaso di kual e resultado a keda pendiente for di siman pasá, esaki tambe tabata negativo. Na e momento aki tin un resultado pendiente. E biaha aki tambe tur kaso sospechoso a haña e remedi oseltamivir, meskos tambe tur e respektivo kontaktonan. E kaso konfirmá mester sigui usa e remedi te ora e tratamentu kaba i mester kontinuá ku medidanan di isolashon te ora tur síntoma disparsé. E enfermera di GGD, e Public Health Nurse, ta kontinuá monitorea e kasonan te ora ku e pashèntnan aki rekuperá totalmente. Tur e kasonan konfirmá anteriormente (e 4 proménan) a rekuperá totalmente.
Pa resumí, for di 14
di yüni te ku djaluna 29 di yüni mèrdia a tuma muestra pa realisá
e tèst serka un total di 15 persona na Kòrsou. Di esakinan na total
a konfirmá 5 kaso di Influènza A (H1N1. E delaster kaso konfirmá
(e di sinku) ta relashoná na biahe pa eksterior esta e infekshon no
a tuma lugá na Kòrsou.
|
