“E aña aki ta un aña grandi pa Sentro Kultural Kòrsou. Den luna di desèmber nos ta selebrá nos 60 aniversario, pa kual nos ta den preparashon pa forma un grupo speshal di nos studiantenan pa nan por hasi un presentashon na nòmber di CCC”, señor Elvio Cijntje, Presidente di Sentro Kultural Kòrsou a deklará. “Realmente nos ta hopi orguyoso ku e kalidat di músika ku nos hóbennan di “Akademia di Músika Edgar Palm”. No solamente nan ta demostrá dedikashon den lokual nan ta hasi, pero bo ta mira tambe ku nan ta tuma e asuntu di formashon musikal hopi na serio. Nos ta hopi orguyoso tambe di e forma kon nos maestronan ta dediká nan mes na guia tur nos hóbennan. Danki na nan esfuerso i guia, nos hóbennan ta awe kaminda nan ta”