| Reunion di suma importansha pa e plan di fakansi di Bureau Telecommunicatie en Post |
|
|
|
| Tuesday, 30 June 2009 - 13:25 | |
|
Ta invitá
tur mucha/hóben ku a inskribí na e plan di fakansi
‘Telekomunikashon i Ami’ na un reunion
informativo di suma importansha kaminda lo duna tur informashon di e
plan di fakansi aki. E reunion aki ta tuma lugá
awe djárason 1 di yüli 2009 di 5:30 or’ pa 7 or’di atardi
den sala di reunion na Selikor Parera. Klik read more pa mas informashon... Plan di fakansi ‘Telekomunikashon i Ami’ Bureau Telecommunicatie en Post den kuadro di selebrashon di 100 aña telekomunikashon na Antia, ta brinda oportunidat na muchanan i hóbennan entre 8 i 18 aña pa partisipá den un plan di fakansi ku lo kulminá den un kompetensia di pelíkula. Durante dos siman tur partisipante lo siña graba i monta nan propio pelíkula kòrtiku pa medio di diferente aktividat. Ya kaba hopi mucha i hóben a inskribí i ta preparando pa e apertura ofisial di e plan di fakansi aki. Pa tur mucha, hóben i nan mayor òf representante ta bon informá di tur detaye di e dos simannan aki ta importante pa nan tei presente na e reunion di awe. Pues ta spera tur mucha/hóben huntu ku un mayor òf representante pa tei presente awe, Djárason 1 di yüli di 5:30 or’pa 7 or’ di atardi na sala den reunion na Selikor Parera. Importante: lo anulá partisipashon di tur inskripshon ku no tin representante durante e reunion aki, pa asina por brinda oportunidat na otronan. |
