| Sinku persona lo risibi krus di merito riba dia di Bandera 2009 |
|
|
|
| Friday, 26 June 2009 - 17:09 | |
Servisio pa Komunikashon i Informashon ta informá ku djaweps 2 di yüli próksimo, un total di sinku persona ku a hasi nan mes meritorio aki na Kòrsou atraves di vários aña, lo risibí e premio máksimo di e konosementu di Gobièrnu di Kòrsou ku ta Krus di Mérito. Klik read more pa mas informashon...
E aña aki ta pa di 6 biaha ku un
distinshon asina aki ta keda entregá i despues ku e periodo ku
suidadanonan por a manda nominadonan aden a sera, e komishon ku ta
atendé ku nominadonan di Krus di Mérito a yega na e siguiente 5
nominadonan:
• sra. Gertrudis Calister • sr. Frank Curiël • sra. Mildred Clara • sr. Armando Correa • sr. Francisco Paulina Relashoná ku esaki, resientemente e sinku nominadonan a hasi un bishita na Bestuurscollege, kaminda nan a keda risibí ku palabranan elokuente di Gezaghèber di Kòrsou mr. Lizanne Dindial i tambe Diputado di Enseñansa, Kultura i Deporte drs. Marilyn Alcalá-Wallé. Tur dos mandatario a felisitá kada un di e nominadonan ku e distinshon ku nan ta risibí na 2009. Riba e lista aki por mira e siudadanonan ku ya kaba a risibí Krus di Mérito for di 2004 te ku 2008. E aña aki lo ta di 6 biaha ku ta otorgá e Kondekorashon. 2004 Pader Amado Römer Koperativismo, sindikalismo, eskritor, formashon di adulto. Imelda Valerianos Spiritual, kultura, literatura, poeta Elis Juliana Kultural, skulptor, literatura, eskritor fòlklor, poëta 2005 Theodorus Derksen Sosial-humanitario (trabou ku adiktonan), enseñansa Irma van der Biest Enseñansa, sosial, formashon di mucha i hoben. Elsa Martijn Sosial (trabou den bario) 2006 Mazel de Palm Sosial, scouting traha ku hóbenan Mildred (Mila) Palm Enseñansa, trabou sosial, kultural arte (drama), ku enfoke riba hubentut. Darc’y Lopes Sosial, síviko. Amintha Sprockel Sosial- humanitario (trabou ku hendenan ku tin un desabilidat mental) 2007 Maria (Riet) Rozendaal Sosial, fundadó di “Fundashon Ayudo Sosial” Isidra (Chia) Brigitha Sosial –humanitario (trabou ku adiktonan) Myrna Dovale Enseñansa spesial , pionero den e trabounan ku hendenan ku problema ouditivo aki na Kòrsou. 2008 Jamilie Haile Sosial (trabou pa/ku hendenan ku un hèndikèp fisiko) propulsor i ko-fundadó di e Fundashon FHUFAFI Cornellie Muntslag Sosial-humanitario (trabou pa/ku hendenan ku un hèndikèp visual) Imelda Agostien Sosial (trabou ku hende muhé i mucha den bario) Lucio Romero Sosial – karitativo (ayudo sosial pa ku grandi i otro den nesesidat i aporte na spesial olympics) Ruben Roosberg Sosial, deporte, scouting, karnaval, síviko. |
