| Te ku djarason atardi 24 di yüni a konfirmá 4 kaso di Influčnza A (H1N1) na Kňrsou |
|
|
|
| Thursday, 25 June 2009 - 13:22 | |
|
Servisio pa Komunikashon i Informashon ta informá ku djarason atardi
a risibí resultado di e tèstnan nobo realisá den kuadro di e grip
Influènza A (H1N1) for di laboratorio di Universidat Erasmus di Rotterdam.
Últimamente a realisá
e tèst serka un total di sinku kaso sospechoso, di kual dos kaso a
keda konfirmá komo kaso di Influènza A (H1N1). Dos tabata negativo,
esta no infektá ku Influenza A (H1N1), i di unu e resultado mester
drenta ainda.Klik read more pa mas informashon... For di momento ku a tuma e muestra pa hasi e tèst, tur e personanan aki huntu ku nan respektivo kontaktonan a haña e remedi TAMIFLU®. Esnan ku síntoma, esta e kasonan sospechoso, a permanesé temporalmente isolá. E persona di kual e resultado ta pendiente ainda tambe ta keda den isolashon kontinuando ku e remedinan. Esnan di kual e tèst a sali negativo, por a stòp ku remedi. Personal di GGD ta keda atendé e dos kasonan di kual e tèst a sali positivo i tin instrukshon pa e personanan keda den isolashon te ora kaba tur remedi i tur síntoma disparsé. Un di e kasonan aki no ta relashoná ku biahe pa eksterior, pero e persona a infektá ku e vírùs aki na Kòrsou mes.
Kòntròl serka e promé
dos kasonan di siman pasá, a konfirmá ku tur dos pashènt ta kompletamente
bon di salú i sin síntoma, indikando ku nan no ta kontagioso mas.
Pa e motibu aki, segun protokòl, a terminá e medida di isolashon serka
nan dos.
Pa resumí, for di 14
di yüni te ku djarason 24 di yüni atardi a tuma muestra pa realisá
e tèst serka un total di 13 persona, 8 den e promé grupo i 5 den e
di dos grupo. Di e promé grupo ku a tèst a konfirmá ku 2 persona
tin e grip Influènza A (H1N1). Di e di dos grupo ku a tèst tambe
a konfirmá ku 2 kaso tin Influènza A (H1N1).
En total, te ku djarason
atardi 24 di yüni a konfirmá 4 kaso di Influènza A (H1N1) na Kòrsou.
Ya dos di e pashèntnan a rekuperá i no tin síntoma.
|
