Den e karta dirigi na Minister di Husticia, sr. M. Christiaans y ta bisa lo sigiente.

Dia 26 i 27 di Yanüari 2009 a tene un konferensha di aviashon na Kòrsou ku partisipashon di diferente partner den Reino i stakeholder. A kumbiní ku e minister Hulandes ku pa promé di Yüli 2009 Antia lo trese su kontribushon pa e respektivo paisnan.

No ta un sekreto ku e punto di bista di Hulanda i esun di e perspektiva islanan no ta riba un linea manera a resultá despues di e konferensha.

Basa riba e palabrashon aki minister di Antia di tráfiko i komunikashon lo a instalá un taskforse unda e lo inkluí representante di tur isla den esaki. Mirando e fecha ta yegando ku a palabra ku Antia lo trese un kontribushon, nos tin e siguiente preguntanan :

 * Nos frakshon kier a sa kon ta para ku lantamentu di e taskforse i kon leu esaki ta den su intentonan pa yega na un punto di bista di Antia ?

 * Ken ta inkorporá den e taskforse aki i kiko ta nan funshon den esaki?

 * E taskforce òf Minister a papia ku representante òf e islanan pa inkorporá nan deseonan den e “position paper” aki?

 * Staten por haña un kopia  di e position paper aki pa asina nos duna nos kontribushon?

 * Mirando ku tin vários punto ku ta preokupá diferente stakeholders den komunidat nos kier a haña klaridat di sr. Minister riba e siguiente puntonan manera:

o Tratadonan ku mester wòrdu re negosha pa asina sostené desaroyo duradero di nos ekonomia spesialmente e protokòl firma na aña 2000 entre Antia i Hulanda unda e monopolio Hulandes riba e ruta mid Atlántiko ta wòrdu establesé.

 o Substantial ownership effektive control versus e derechi di establishment  i e efektonan ku kambio ku esaki lo por tin pa nos kompanianan lokal i nos ekonomia en partikular. E regla ta indiká ku 51 % di akshon di un organisashon ku kier establesé su mes riba nos teritorio mester pertenesé na un lokal òf un instansia lokal i e kontròl di e organisashon mester ta establesé na Kòrsou

 o Hulanda ta proponé un “open aviashon área” pa tráfiko liber entre parti di Reino , sin restrikshon di frekuensia di buelo i preis. I e derecho pa tur kompania den Reino por establesé nan mes riba kualkier teritorio òf isla den Reino.

 o Tin e fenómeno di nobo den aviashon di e low cost cariers ku posiblemente por oumentá e tráfiko i aksesibilidat pa Kòrsou. (Ta interesante pa sa ki posishon nos ta tumando den esaki).

  o Tin e asuntu di derechonan di pasahero ku ta wòrdu perhudiká dor di kanselashon òf retraso di buelonan ku mundialmente ta wòrdu implementá, manera último tempu ta pasando riba base regular sin ku tin ningun konsekuensia pa e aerolinea nan di nos parti. (Ta interesante pa sa ki posishon nos ta tumando den esaki).

 o Tambe tin di definí e ròl i impakto ku nos aeropuertonan tin den desaroyo di ekonomianan di kada Isla awor i den futuro mirando e manera ku aviashon ta desaroyando a base di ekonomia regional i mundial. Esaki basa riba efisiensia , ekipahe i rekurso humano pa fortifiká e posishon kompetitivo den region. Manera nos sa ku fase 2 den konstrukshon ta mara na sierto kondishonnan di kantidat di pasahero ku ta wòrdu di hèndel na e aeropuertonan nobo di St Maarten i partikularmente Kòrsou.

o E parti di kontròl aéreo tambe ta hungando un ròl . E ròl NAATC (Netherlands Antilles Air Traffic Control ) lo hunga den e totalidat di kambio estatal . Mester verifiká ku e organisashon di NAATC ta apto papiando den tèrmino di rekurso humano i material pa kumpli ku e eksigensianan pa sigurá kalidat i asina sigurá kontinuidat ku ta eksihí. Ta deseabel ku auditnan operashonal i finansiero ta match di tal manera ku ta midi best business practise i corporate governance asina garantisá kalidat di e servisio ku ta un parti importante den nos kadena logístiko ku ta sirbi nos ekonomia. Na Isla Ariba e delegashon di Aruba a duna di konosé ku nan kier klaim derechonan riba e entradanan ku NAATC ta dunando servisio di kontròl aéreo.  (Ta interesante pa sa ki posishon nos ta tumando den esaki).

o Finalmente nos kier sa kua instansia lo ta responsabel pa e tareanan di direktiva di aviashon sivil riba kada isla ku lo mester negoshá tratadonan , otorgá lisensianan di aviashon , ehersé kontròl riba diferente instansianan metí den aviashon i sòru pa nos kumpli ku reglanan internashonal pa asina sostené desaroyo duradero di nos ekonomia pa yega na e bienestar di nos pueblonan di Antia despues di desmantelashon di Antia.