| Selekshon di Taekwondo pa wegnaan di reino ta buska mas mucha muhe pa partisipa |
|
|
|
| Thursday, 11 June 2009 - 10:40 | |
|
Falta tres mucha muhé ainda pa selekshon Antiano di Taekwondo ta kompleto pa Weganan di Reino, ku lo tuma lugá di 25 te ku 31 di yüli próksimo na Aruba. Esaki debí na e momento lat ku Aruba i Ulanda a disidí ku kada pais lo partisipá ku seis mucha hòmber i seis mucha muhé. Klik read more pa mas informashon...
Sinku di e mucha hòmbernan di e selekshon
Antiano ta di Kòrsou, unu di St.Maarten. E tres mucha muhénan ku ya
kaba ta forma parti di e selekshon ta di Kòrsou. Sigun coach Cedric
Meulens e preparashonnan pa forma un selekshon adekuá a kuminsá hopi
trempan, pero te den último e otro paisnan ku ta partisipá na Weganan
di Reino a hasi e petishon pa laga mas ku tres mucha muhé partisipá.
Meulens ta den kontakto ku e diferente
skolnan di Taekwondo na Antia, pa hasi e selekshon kompleto. Pero coach
Meulens ta kontentu ku e grupo di hóben ku e tin. E hóbennan tabata
prepará kaba pa e weganan Panamerikano, ora nan a tende ku e aña aki
Taekwondo ta un di e 7 deportenan den e weganan di Reino.
E grupo di hóben ta trein mas o ménos
12 ora pa siman. Durante di e oranan ei nan ta traha riba e partinan
tékniko i táktiko, riba resistensia, rapides i riba forsa sikológiko.
Banda di esei nan ta haña diferente tayer ku tin di haber ku komementu,
komportashon, yudansa di estudio i formashon spiritual.
Promé ku e Weganan di Reino e hóbennan
di coach Meulens lo partisipá ainda na diferente torneo na Sürnam,
Trinidad, Aruba i Cuba, loke lo benefisiá e hóbennan pa loke ta trata
eksperiensha internashonal. E grupo di hóben ta sigur ku nan ta bin Antia bek for di Weganan di Reino ku tur e medayanan di oro: ‘Nos no ta hasi tantu sakrifisio pa
keda sin medaya’. |
