Tabata diputadonan Kroon, Levenstone i Tjin A Sjoe ku a presensia inisio di e proyekto aki. E proyekto lo bai tin un durashon di 3 luna. Boneriaanse Wegenbouw Maatschappij (BWM) ta esun ku ta enkargá ku trabounan di konstrukshon e rotònde aki.

Durante e periodo di ehekushon direkshon di tráfiko lo wòrdu kambia.Relashoná ku e trabounan, lo desviá tráfiko via J.A. Abraham Bulevar, Kaya Internashonal, Kaya M. Rosario, Kaya Mgr. Nieuwindt i Kaya Nikiboko Zùit.

Ta pidi usuarionan komprenshon pa inkumbinensia ku esaki ta trese kuné i pa sigui estriktamente instrukshon di kambionan den direkshon.

Tambe ta trahando riba e parti di seramentu burakunan den e diferente kayanan den mal estado aki na Boneiru.

Aktualmente tambe ta den preparashon dos otro proyekto. Unu ta renobashon di e labadó ku ta kore patras di e ofisina prinsipal di WEB NV i ku ta pasa na altura di Kaya Grandi i bai sali na Kas di Arte, i e otro ta e labadó na Kaya Avelino Cecilia.

Por bisa ku tin diferente otro proyektonan di drechamentu di kaminda ku Gobièrnu tin atenshon pe i dentro di poko lo drenta e fase di preparashon. Asina ku drenta e fase aki lo bai suministrá informashonnan enkuanto e proyektonan aki i e temporada ku lo kuminsá traha riba esakinan.

Bon dia