A bin for di Korsow speshalmente pa e kompetensia aki 6 atleta di kual 2 mucha muher y 4 mucha homber a bula bin Aruba pa por partisipa na e Wariruri Classic 2009.

Arusurf a keda sumamente contento ku e participacion di atletanan di Korsow y tambe pa prome bia despues di hopi tempu un kantidad halto di inskripshon pa e kategoria Surf Open Men. E surfernan na Aruba a mane yega masalmente lama pa por bin kompeti, leyendanan manera Cali, Dennis, Max, Adolfo, Illiene y algun otro tambe a bin partisipa na e evento aki.

Bataya tabata hopi fuerte mes speshalmente entre e atletanan lokal kende ta Gregory Wouters, a logra domina den su kategoria di Junior Bodyboard. Un di e otro jongnan tambe ku a sobresali den e kompetensia aki ta William Lacle kende ta kasi claim e prome luga den junior.  Den dropknee nos a haya e lokalnan Dorian Croes y Roduard Ferrier a duna show pero ku Alex for di Korsow a logra bay toch ku e titulo di prome luga.

Den kategoria di damas tampoko nos a keda atras ku partisipashon di Helianthe Tinow Presidente Korsow Surf Association kende a pone e otro damanan Arubiano kore partisipa den e evento pa por bataya ku Helianthe na unda toch Leah Mesker a bai ku e titulo di prome luga di damas sigi pa Illiene lopez y na di 3 a keda Helianthe Tinow di Korsow.

Den Bodyboard Open Men Jeremy Loefstok a bin rekobra bek su titulo ku e aprendis Greggory Wouters a kita di dje. Jeremy a bataya fuerte ku maniobranan ekstremo 360 air reverse rollo enfin un kantidad di maniobranan ku a logre dune bek su titulo. Durante e evento aki Jeremy a debuta su ORIGINAL SIGNATURE BOARD di KUSTOM X model JEREMY. Na di  Dos luga a keda e Junior Gregory Wouters  ku no a logra obtene e prome luga manera el’a hasi durante e ultimo tres kompetensianan di Arusurf. Pero si e tin un logro pe ta orguyoso di dje .Gregory ta ofisialmente riba tim di kustom X. Esaki a bin door di e ekstenso coperashon den persona di vise presidente di Arusurf, Glenson Oduber, kende a logra konvense e doño di Kustom X pakiko e mester tuma e gai aki riba tema, basa riba Greggy su record. Greggy awo ta representa e Generashon nobo den bodyboard, meskos ku Jeremy ta un leyenda ku awor ta gosa di e privilegio di tin su sig board.

Den Surfing Open Men Nelson Oduber Junior a Mustra ku ta e mes ta e Number 1 Na Aruba haciendo maniobra nan manera power snaps, floaters, aerials, off the lip y su olanan largo ku a yude domina e kompetensia y gana na prome lugar. Durante e evento aki Nelson aka Cheeto a hasi uso di un surfboard ku a wordo traha speshalmente pe. Na di dos, tres y kuatro lugar a keda e participantenan di Korsow ku a logra domina e otro atleta Arubianonan manera Xenon  y Jeffrey  y toch yega den final pero eynan si nan karera a para y Cheeto a mustra Korsow ku e premio di prome lugar  ta keda Aruba.

RESULTADO WARIRURI CLASSIC 2009

Open Bodyboard:1. Jeremy Loefstok, 2. Gregory Wouters, 3. Ruell Justina, 4. Randolf Kock

Open Surfing: 1. Nelson (Chito) Oduber, 2. Jappe  Meijsing (Korsow), 3.  Merijn Bouwmeester (Korsow), 4. Sander Keijers (Korsow)

Junior Surfing: 1. Miguel Geerman, 2. Reinier Meurs, 3. Maurice Abath, 4. Jason Peterson

Junior Bodyboard: 1. Gregory Wouters, 2. William Lacle, 3. Allen Boye, 4. Ryon Fakif

Woman Surfing: 1. Leah Mesker, 2. Illiene Lopes, 3. Helianthe Tinow, 4. Jeanniree Geerman

Bodyboard Woman: 1. Illiene Lopez, 2. Kaman HUI, 3. Celine Meurs, 4. Kyra Bisslick

Dropknee bodyboard: 1. Alex Bouwmeester (Korsow), 2. Roduard Ferrier, 3. Dorian Croes, 4.

Eldrick Pontiluis

Group: Long board: 1. Max Dedekind, 2. Adolfo Valbuena, 3. Glenson Oduber

E premionan tabata consisti di bodyboard Kustom X, Board Bag Kustom X, Flepper y Leash Kustom X. Tambe tabata tin petchi y sticker pa parti rond pa e participantenan. Tambe tabata tin cadeu bon di Bula, Fantasea y di Vitanovus Spa unda ku bo por a gana un sportsmassage y back neck and shoulder. Un skateboard sector 9 y demas bags nan y asesorionan di Surf y Bodyboard y last but not least un dinner for two @ BUSTERS GARAGE THE ARUBIAN SPORTSBAR 52 Flatscreen. Kustom X semper ta aporta ku Arusurf. E cooperacion aki ku Arusurf ta excisiti di 2006  pero awor a kuminza duna su frutanan. Si bo waak bon e muchanan ta bon participa ku smaak pa por gana premionan asina aki.