Na Aruba mes gruponan musikal ta den kompleto preparashon pa laga kara di Aruba bon na halto. Tsunami p.e. lo presenta ku nan propio grupo di baile pa krea un ambiente sumamente especial. Tsunami sa ku nan tin un responsabilidat grandi pa perkura pa e ambiente di klausura.

Den e permiso di outoridat policial ta poni bon kla den un di e reglanan ku e Artista prinsipal no por presenta como e ultimo atrakshon, pero mester aktua prome ku diesdos’or. Pero e organizadornan tin pleno konfiansa ku Tsunami lo sa di pone e publiko presente den un ambiente total te na final di e konsierto ku mester termina pa 2’or di marduga.

PISTA DI BAILE

Dilanti e stage principal lo keda instala un pista di baile na unda esnan den e seccion di VIP por baila durante e presentashonnan. Esaki ta indika anto ku lo bai tin un ambiente total y grandi. Tumando na konsiderashon e kantidad di persona ku lo bai ta presente, e organisadornan a disidi pa habri e porta di e Piedra Plat Entertainment Center pa 7’or di anochi pa asina tur hende ser hiba na nan respektivo lugarnan den e sekshon di VIP.

Outoridat polisial ta eksihi un kontrol severo ta pesei e entrada na e stadion lo bai dura un poco i mas tempran bo yega mas rapido bo ta drenta pa disfruta di e tremendo konsierto aki. Tambe ta prohibi pa sali y una bes paden bo mester keda paden, esaki ta regla di outoridad. E organisandornan a perkura pa sufisiente toilet portatil den e seccion di VIP. E barnan lo ta bai ta tremendo surti door di Romar Trading y Tropical Bottl. Co. ku nan produktonan, espesialmente Old Parr y serbes Balashi. Esnan ku ta den e sekshion di VIP lo ta sigur ku nan lo ricibi un tremendo servicio ku waiternan kapasita pa ehekuta e trabao aki.

Na esnan ku tin reservashon, specialmente den e sekshon di VIP ta ser solisita pa pasa kansela esakinan, debi ku tin hopi demanda pa e mihor mesanan.

Kaarchi di VIP ta obtenibel solamente na Peanuts Restaurant, mientras entrada general por ser haya na Magic F.M., Peanuts Restaurant y CD’s and More.