| Atletanan Antiano ta bai pa Oro den Weganan di Reino |
|
|
|
| Sunday, 24 May 2009 - 23:39 | |||||||||||
‘Nos atletanan ta disiplina, nan no ta djis kore’,
asina Jurgen Faneyt ta splika orguyoso di su tim di hóben Antiano ku e ta trein
pa partisipá na Weganan di Reino na Aruba (25-31 Juli). Un aña pasa e selekshon
preliminar a tuma lugá i dos luna pasa Faneyt a forma su tim definitivo,
inkluso algun atleta èkstra. Klik read more pa mas informashon...
Dieskuater hóben ta train tres biaha pa siman na
Sentro Deportivo Kòrsou, aparte di nan treinen normal. Huntu ku un atleta hóben
di St. Maarten i unu di Boneiru, nan ta forma e selekshon ku lo partisipá na e
diferente disiplinanan. E hóben di St.Maarten ta studia na Merka, pero e ta
bishita Kòrsou regularmente i ta partisipá den e diferente weganan preparativo.
Coach Faneyt ta bishita e atleta di Boneiru sigur un biaha pa luna.
‘Tin algun talento sigur bou di nan’, Faneyt ta
bisa, ’Nan a kaba di partisipá den Carifta games kaminda algun di nan a
klasifiká pa e Kampionato Mundial pa Hóben na Sudtiro Italia (8-12 Juli). Nos
ke manda esnan ku no a klasifiká ainda na otro weganan, pasobra nos mes pista
ainda no ta sertifiká. Huntu ku NAOC nos ta purba di haña nos pista sertifiká
den futuro’. Faneyt ta satisfecho ku e yudansa ku NAOC ta duna. ‘Nan ta sòru
entre otro pa pasashi pa ami i e hóbennan, loke mi ta masha agradesido pe’.
Mientrastantu e hóbennan ta sinta abou manera
ruman, banda di otro, despues ku nan a kaba di trein. E manera kon nan ta
papia, hari i tenta otro riba e resultadonan di treinen, ta mustra ku nan ta
forma un tim di bèrdat, ni maske nan ta originalmente for di diferente klup di
atletik. Riba e pregunta kua di nan ta bin kas bek for di Aruba ku medaya di
oro, nan tur ta hisa nan man. ‘T’esei nos ta traha pe’, un atleta femenino ta
splika desidido.
Atletanan Di Aruba
said:
|
|||||||||||
.JPG "wega (2).JPG")
.JPG "wega (2).JPG")
.JPG "wega (2).JPG")
 |
hahaha nos ta contento cu nan ta positivo,,pero nos ta mirando cu nan un ta mucho competensia pa nos!!! 3 biaha pa siman so di training? ainoooo..ta pret boso lo kier bin hasi aki banda?? prepara pa loke boso ta bai haya boso mes aden! Ayoooo.te July! |
