|
NO na shushedat, SI na limpiesa di nos Isla |
|
|
|
|
Wednesday, 13 May 2009 - 11:10 |
|
.JPG "sushi (2).JPG") Shushedat riba nos
isla te ainda ta keda algu visibel riba nos kareteranan, sitionan públiko
nos naturalesa i tambe den nos barionan. E hecho ku nos Isla ta keda
shushi pa motibu di nos mes komo suidadano su aktitut, ta algu di lamentá.
Klik read more pa mas informashon...
Nos ta biba riba un Isla chikí, un pais ku ainda ta den desaroyo i
ku tur dia un grupo ta pensa kiko por hasi pa kontribuí na desaroyo
di un Isla sano anto otro banda tin esnan ku ta permití nan mes pa
kontribuí na un akto iresponsabel pa ku limpiesa di Korsou. Fundashon Korsou Limpi
Bunita (FKLB) a tuma nota di algun sitio ku tin diferente shushi benta
abou i ku klaramente bo por mira ku ta shushi ku ta bini di kas. Esaki
ta duna komo prueba ku ainda nos tur komo suidadano riba e Isla aki
ainda no ta konsiente ku nos mester yuda tene Korsou limpi pa diferente
motibu. FKLB ta konvensí ku si nos kada un karga nos responsabilidat
i yuda tene Korsou limpi, nos por tin sigur ku e base pa nos desaroyo
ta fundá. Banda di esaki nos ta yuda kontribuí na un medio ambiente
sano i liber di malesa. Pa enfatisá riba e
shushedat den nos barionan FKLB ta duna algun sugerensha di importansia
kon pa yuda i tene bo bario i bisindario limpi. Hasi bon uso di e diferente
posibilidatnan pa deshasí di shushi na un forma responsabel. Kòrda
ku Selikor ta pasa un biaha pa siman den tur bario di Korsou pa rekohé
shushi di kas den kònteiner. Un biaha pa luna Selikor ta pasa rekohé
potoshi grátis. Selikor ta perkurá, un biaha pa aña, pa limpiesa
riba áreanan públiko. Esakinan nan ta duna
komo servisio i mantenshon pa un Kòrsou limpi. Pero “nos” komo
habitantenan tambe por kontribuí, yuda i duna un man pa por redusí
e kantidat di shushi nan den nos barionan pa halsa e kalidat di bida
den e bario.
| Comments () >> |
 |
 |
.JPG "sushi (2).JPG")
.JPG "sushi.JPG")
