| Boneiru ta bai adaptá e leinan lokal |
|
|
|
| Wednesday, 06 May 2009 - 09:32 | ||||
|
Ta trata di
un suma di kasi 240 mil florin. Ku e suma aki Teritorio Insular di Boneiru ta
spera di por kontratá un hurista speshalisá den legislashon di un teritorio
insular. Ta nesesario pa hasi esaki komo ku e kambionan den struktura estatal
ta bai tin konsekuenshanan pa e legislashon riba nivel lokal. Na momentu ku
Antia no ta eksistí mas ta resultá ku e leinan i reglanan antiano no ta bálido
mas, i tin ku introdusí reglanan nobo. Esaki tambe tin konsekuenshanan pa
Boneiru. E hurista legislativo nobo ta bai traha huntu ku otro huristanan di
teritorio insular di Boneiru pa investigá si por, i kon lo, adaptá e
legislashon aktual pa kuadra den e struktura estatal nobo. Komo ku Boneiru ta
bai traha dirèkt ku Hulanda, lo bai introdusí tambe algun reglanan nobo ku ta
nesesario den e koperashon estrecho aki. Mester stipulá tur e adaptashonnan i
leinan nobo aki na tempu pa esnan aki keda aprobá dor di Kolegio Ehekutivo i
Konseho Insular. Riba potrèt ta mira momentu ku diputado Levenstone ta firma e
kontrato huntu ku funshonario di Usona pa por haña e finansiamentu pa atraé e
hurista legislativo.
|
||||
.JPG "levenstone (2).JPG")
.JPG "levenstone.JPG")
