|
Detenshon i konfiskashon di droga |
|
|
|
|
Monday, 27 April 2009 - 15:11 |
 Djadumingu for di
den oranan trempan di mèrdia, e Departamentu di Narkótika di Kuerpo
Polisial Kòrsou a realisá sinku detenshon (3 dama i 2 hòmber)
en konekshon ku un investigashon di Droga i a konfiská un kantidat
di kokaina. Klik read more pa mas informashon...
Djadumingu alrededor
di 12.55 personal di e Departamentu di Narkótika a detené e damanan
respektivamente C.L.S.A., 19 aña i K.L.R., 36 aña tur dos nasé na
Pittsburg (Merka) riba Mega Pier despues ku awe den oranan trempan
di mainta nan a yega Kòrsou komo pasahero abordo di e barku krusero
“Norwegian Spirit”.
Relato: Despues ku
e dos sospechosonan aki a yega Kòrsou djadumingu mainta nan a baha for di
e Barku menshoná i a bai na un kas den e bario di Jandoret kaminda
nan a tuma un kantidat di 16 paki di kokaina ku un peso total di 11kilo
222 gram. Despues ku nan a risibí e droga, e transportadónan di droga
aki a hiba e droga riba e barku di turista menshoná i a warda/skonde
e pakinan di droga aki den nan kabina. Kontinuando
ku e investigashon aki i den kuadro di e Lei di Opio, e personal di
e Departamentu di Narkótika a hasi un búskeda den e kabina di e sospechosonan C.L.S.A. i
K.L.R. i a bin haña i konfiská e 16 pakinan di kokaina. Alrededor di
13.25 e personal di e Departamentu di Narkótika a detené na Mega Pier,
un di tres sospechoso(pasahero di e mesun barku di turista), e dama
S.L.G., tambe nasé na Pittsburg, 28 aña pa su komplisidat den e kaso
di droga aki. Na mesun momentu,
alrededor di 13.30 personal di e departamentu polisial en kestion a
detené e dos(2) distribuidornan di e droga riba Ana De Lanoy- Willems
Blvd. Ta trata di
e sospechosonan hende hòmber, C.W.B., 39 aña i A.E., 40 aña tur dos
nasé i bibá na Jamaica. Djis despues
di e detenshonnan di C.W.B. i A.E. e personal di e Departamentu di Narkótika
asistí pa e unidatnan di DST, den kuadro di e Lei di Opio, a realisá
un búskeda den e kas na Jandoret den Kaya Carl Krijt. Den e kas aki
polis a bin haña i konfiská:12 paki di kokaina
ku un peso total di 7 kilo 804 gram; Un kantidat di telefon
selular; Atributonan ku ta
uza pa plak droga na kurpa di transportadónan di droga. Departamentu
di Narkótika di Kuerpo Polisial Kòrsou ta sigui ku e investigashon
aki. E investigashon den e kaso
aki ta kontinuá.
| Comments () >> |
 |
 |
.jpg "droga.jpg")
.jpg "droga.jpg")
.jpg "droga.jpg")
