| Detenshon i konfiskashon di munishon |
|
|
|
| Sunday, 26 April 2009 - 22:24 | |
|
Awe mardugá, alrededor di
00.35’or, Sentral di polis a haña notifikashon ku na un restorant
na Sta. Catharina un hòmber tabata menasando un grupo di persona ku
un arma di kandela. E unidat di polis ku a yega na e sitio a hañá
un outo para riba e tereno di e restorant. Ora e shofùr di e outo a
mira e patruya polisial e la sali for di outo i saka kareda kore bai. Klik read more pa mas informashon...
Mesora e personal di polis a pèrsigui e hòmber aki i a logra detené.
Bek na e sitio kaminda e outo ta stashoná polis a kuminsá ku un investigashon
i a bin haña den e outo un tas konteniendo un kantidat di 93 bala skèrpi
kaliber 44 i tambe 30 bala skèrpi di 9mm. A konfiská tur e artíkulonan
aki i a detené na e sitio e hòmber sospechoso S.Q., nasé na Kòrsou,
di 30 aña di edat.Kontinuando ku e investigashon
awe mainta, alrededor di 11’or e unidat di polis a bai den e mondi
ku ta situá patras di un sentro nokturno na Sta. Catharina en buska
di e arma di kandela ku supuestamente e sospechoso S.Q. mester tabata
tin huntu kuné. E unidat a bin haña e arma di kandela, un revòlver
Colt Anakonda 44 magnum long den e mondi skondí. A konfiská e arma
pa mas investigashon. Despues e unidat a hasi un
entrada na kas di e sospechoso ku ta situá na Seru Pretu. Aki nan a konfiská 10 bala
skèrpi mas i un saku chikí ku mariwana. E investigashon den e kaso
aki ta kontinuá.
|
