| Kontròl riba droga, arma i tráfiko |
|
|
|
| Sunday, 19 April 2009 - 12:00 | |
|
Djadumingu, alrededor
di 01.00 pa 04.00 di mardugá Polis a hasi un kontròl a base di e Lei
di Opio, Arma di kandela i Tráfiko den área di Saliña. Polis a kontrolá
un total di: 67 persona, 42 outo, a parti 12 but pa
diferente infrakshon. Vehíkulo ku
a hiba kura pa motibu ku nan dokumentunan na tabata na òrdu:
un total di 3 motosaikel, un skuter, 4 outo. Otro asistensianan
den e área:
A haña i konfiská
11 arma blanku, Polis a duna asistensia
na 3 bringamentu den bisindario di un diskotèk den Saliña. Despues di a duna
shofùr di un vehíkulo òrdu pa para i esaki a neglishá e òrdu di
Polis, a kuminsá un persekushon ku a terminá na un pòmp di gasolin
riba Caracasbaaiweg. A resultá
ku e dos okupante di e vehíkulo, un hòmber i un dama a trata di kore
bai. Despues di un persekushon kòrtiko Polis a logra detené nan. A
resultá ku e dos personanan aki ta di nashonalidat hamaikino i ta permanesiendo
ilegal riba nos isla. E outo ku nan tabata kore tampoko tabata
tin e dokumentunan nesesario. A hiba e dos ilegalnan barak na
Bon Futuro en espera di nan deportashon, miéntras a hiba e outo kurá.
|
