| Konseho supremo elektoral ku demostrashon di mashin di vota pa referendum 2009 |
|
|
|
| Wednesday, 22 April 2009 - 17:59 | |
|
Servisio pa Komunikashon i Informashon ta informá ku entrante próksimamente, Konseho Supremo Elektoral ta bai kuminsá duna demostrashon di e mashin di vota pa Referèndem 2009. Pa referèndem di dia 15 di mei 2009, votamentu lo bai ta fásil i lihé. Klik read more pa mas informashon...
Ta bai hasi uso di e mashin ku nos
a usa den e elekshon di Konseho Insular na aña 2007 kaba. Pa refreská
tur hende su memoria, durante e periodo aki te ku 8 di mei 2009,
diferente lokalidat por haña informashon kon ta hasi uso di e sistema
di mashin di vota. Un grupo speshalmente di trein pa duna demostrashon
lo ta na diferente sitio públiko ku tin aglomerashon di hende, pa mustra
kon e mashin di vota ta traha. Ounke e uso di e mashin ta fásil, tòg
ta na su lugá pa Konseho Supremo Elektoral hasi algun demostrashon
na komunidat pa asina kustumbrá ku e mashin promé ku dia di Referèndem
kual ta 15 di mei 2009.Durante e demostrashon ta bai tin oportunidat
di praktiká, hasi pregunta i tambe partisipá aktivamente. E ehersisio
aki ta bai ta meskos ku ora ta vota den e Referèndem binidero. Por
mira tambe e prueba ku e mashin ta saka ora ku bo a vota. Di e manera aki Konseho Supremo Elektoral
ta yuda pa hasi e proseso di vota muchu mas fásil, tantu pa esun ku
ta vota komo pa esun ku ta traha na urna. Konseho Supremo Elektoral
ta spera ku mas tantu hende posibel lo hasi uso di e oportunidat aki.Pa mas informashon tokante e lokalidat
kaminda ta hasi demostrashon, tuma kontakto ku Bentana di Informashon
0800-1515, kompletamente grátis.
|
