| Detenshon di e fugitivonan Mambre i Koeiman |
|
|
|
| Friday, 17 April 2009 - 23:27 | |
|
Awe 17 di aprel 2009 den oranan di mainta Polis a detené e dos fugitivonan, Engelbert Heromino Koeiman i Julien Saturnino Mambre ku a hui for di prizon Bon Futuro di respektivamente riba 8 mart i 17 mart 2009. A detené e fugitivonan aki den un apartamentu den e bario di Fortuna Bieu.Klik read more pa mas informashon...
E detenshon
di e fugitivonan aki a bai na un manera hopi profeshonal i táktiko
i no tabatin espasio pa ningun insidente durante di nan detenshon. Durante
di e búskeda den e apartamentu, Polis a haña i a konfiská: 4 arma di kandela
(3 pistol i 1 revòlver), Un kantidat di bala
skerpi, Un kantidat grandi
di bolitanan di mariwana, 1 vèrekeiker, Hanskun, 2 kapuchon ku e
buraku pa wowo kòrtá aden, Un kantidat grandi
di sèn larga, Skrufdrai i player, Telefonnan selular. Un kantidat chikitu
di sèn kèsh (biyete). Nos ta gradisí
komunidat pa nan koperashon, ku nos por a yega na detené -te awor- kuater di e
fugitivonan. I nos ta sigui konta ku bosnan koperashon pa detené esun
ku a sobra kual ta Jair Jehogenny Leuteria.
Teps: Polis ta supliká tur persona ku ta kere ku nan tin informashon riba e kaso aki, pa pasa e informashon pa Polis na numbernan: 866-6124, 911 (24 ora pa dia), 108 Number anónimo: ( e number aki ta duna tur garantia di anonimidat) |
